Azərbaycanın Rus İcması ölkə rəhbərliyinin Qarabağın erməni əhalisinin tezliklə çoxmillətli Azərbaycan cəmiyyətinə reinteqrasiyası istiqamətində səylərini tam dəstəkləyir. 

Bu barədə İcmanın Respublika Şu­rasının bəyanatında bildirilir. Sənəddə vurğulanır: “Biz, Azərbaycanın rus əha­lisi əminik ki, Qarabağ bölgəsi ermə­nilərinin sosial-iqtisadi reinteqrasiyası planı respublika Konstitusiyasında təsbit olunmuş bütün hüquq və normalara tam şəkildə uyğundur. Azərbaycan ənənə­vi çoxmillətli, çoxmədəniyyətli ölkədir və burada çoxlu etnik qruplar sülh və anlaşma şəraitində yaşayır. Tariximizin bütün dövrlərində milli və dini mənsu­biyyətindən asılı olmayaraq, ölkəmizdə məskunlaşmış bütün xalqlar arasında sülh şəraiti hökm sürüb. Bütün Cənubi Qafqazda sülhün, inkişaf və tərəqqinin vaxtı gəlib çatıb”. 

Respublika Şurası bəyan edib: “Biz canlarını Vətən uğrunda fəda etmiş qəh­rəmanları həmişə xatırlayacağıq. Təəs­süf ki, antiterror tədbirləri zamanı şəhid­lərimiz olub. Rus İcması həlak olanların ailələrinə başsağlığı verir və yaralıların tezliklə şəfa tapmasını diləyir”.

XQ