Moldovada fəaliyyət göstərən Azərbaycan icması ölkəmizin sülh səylərinin dəstəklənməsi ilə bağlı bəyanatla çıxış edib.
Moldova Azərbaycanlıları Konqresi adından Moldova Prezidenti xanım Maya Sanduya, parlamentin spikeri İqor Qrosuya və Birləşmiş Millətlər Təşkilatının Moldovadakı rezident-əlaqələndiricisi Saymon Springettə ünvanlanan bəyanatda bildirilib ki, Azərbaycan əsilli moldovalılar Ermənistanda mövcud revanşist əhvali-ruhiyyəli qüvvələrin və erməni diasporunun yolverilməz əməlləri nəticəsində Cənubi Qafqaz regionunda yaranmış mövcud vəziyyətdən dərin narahatlıq hissi keçirirlər.
Moldova Azərbaycanlıları Konqresi bu kritik və önəmli mərhələdə beynəlxalq təşkilatları erməni uydurmalarına inanmamağa çağırıb. İşğaldan azad edilmiş Qarabağda irimiqyaslı bərpa-yenidənqurma layihələri həyata keçirmək məqsədilə bölgəyə böyük sərmayələr yatıran Azərbaycanın sülhsevər mövqeyini əməli şəkildə dəstəkləməyə və tərəflər arasında konstruktiv dialoqun təşviqinə yardım göstərməyə dəvət edib.
XQ