Rusiya və Türkiyə prezidentləri Vladimir Putin və Rəcəb Tayyib Ərdoğan sentyabrın 4-də Soçidə görüşərək danışıq aparacaqlar. Bu barədə Rusiya liderinin mətbuat katibi Dmitri Peskov məlumat verib. Xəbəri “İnterfaks.ru” yayıb.
Peskov jurnalistlərin bu barədəki sualına cavabında bildirib: “Danışıqlar həftənin birinci günü başlayacaq. Bu, Soçidə baş verəcək”.
“Görüş günorta olacaq”, - deyə Peskov əlavə edib.
Paşa ƏMİRCANOV,
“Xalq qəzeti”
