Sərsəng Su Aanbarında yaranmış qəza vəziyyəti ilə əlaqədar Azərbaycanın ekolojiyönümlü qeyri-hökumət təşkilatları bəyanatla çıxış ediblər. Ölkənin 16 vətəndaş cəmiyyəti qurumu rəhbərinin imzaladığı sənəddə Ağdərə–Kəlbəcər ərazisindəki bu nəhəng hidroqurğunun ekoloji fəlakət mənbəyinə çevrilməsi həyəcanla beynəlxal aləmin nəzərinə çatdırılır.
Sənəddə bildirilir ki, Tərtərçayın üzərində – Rusiya sülhməramlı kontingentinin müvəqqəti yerləşdiyi Azərbaycan ərazisindəki Sərsəng Su Anbarı Ermənistan və onun himayə etdiyi qüvvələr tərəfindən məqsədyönlü şəkildə ekoloji və sosial-iqtisadi terror vasitəsinə çevrilib: “Qəza vəziyyətində olan su anbarı aşağı hissədə yerləşən yaşayış məntəqələri, təsərrüfatlar və infrastruktur obyektləri üçün ciddi təhlükə yaradır. Sərsəng Su Anbarının Ermənistan və onun himayə etdiyi qanunsuz rejimin tör-töküntüləri tərəfindən qəsdən Azərbaycan əhalisinə qarşı ekoloji və sosial-iqtisadi terror vasitəsi kimi istifadə olunması yolverilməzdir”.
Bvəyanatda daha sonra qeyd edilir ki, 47 il əvvəl istismara verilmiş su anbarının təmir və bərpasına ciddi ehtiyac var. 30 ildən artıqdır ki, Ermənistan bu su anbarını qanunsuz istismar edib, iqtisadi və ekoloji cinayətkarlıqla məşğul olub: “Anbarın mövcud qəza vəziyyəti onun aşağı hissəsində yerləşən yaşayış məntəqələri, təsərrüfatlar və infrastruktur obyektləri üçün ciddi təhlükə yaradır. Ötən dövrdə Ermənistanın qanunsuz fəaliyyətini davam etdirməsi Sərsəng su anbarında hər an dəhşətli humanitar fəlakətə səbəb ola bilər”.
Bəyanatda erməni separatçılarının su anbarını cinayət vasitəsinə çevirməsinin Böyük kənd təsərrüfatı potensialı və münbit torpaq ehtiyatlarına malik Tərtər, Ağdam, Bərdə, Goranboy, Yevlax və Ağcabədi rayonlarının min hektar əkin sahəsini sisuz qoyması kəskin ittiham olunur. Sonda bildirilir: “Ermənistan və onun himayə etdiyi qanunsuz rejimin tör-töküntülərinin Azərbaycana qarşı ekoloji terror fəaliyyəti dərhal dayandırılmalı və Sərsəng Su Anbarının idarəçiliyi Azərbaycan Respublikasının aidiyyəti dövlət qurumlarına təhvil verilməlidir!”.
XQ
