Əgər son iki il yarım ərzində baş vermiş hadisələr təhlil olunarsa, hər kəs görə bilər ki, hər bir addı­mımızın arxasında güclü siyasi iradə dayanmışdır, güc dayanmışdır, məntiq dayanmışdır, beynəlxalq hüquq dayanmışdır və hər növbəti addım əvvəlki ad­dımın məntiqi davamı idi.

İlham ƏLİYEV, 

Azərbaycan Respublikasının Prezidenti, Silahlı Qüvvələrin Ali Baş Komandanı 

Zəfərimizlə başa çatan Vətən müharibədən sonra Azərbaycan Ordusunun daha da gücləndirilməsi, onun ən müasir silahlarla təchiz edilməsi, yeni qoşun növlərinin yaradılması prioritet sayılıb. 

Biz yaxşı başa düşürük ki, bölgə­mizdə, xüsusən Ermənistanda hələ də gücün hesabına vəziyyəti dəyişməyə meyilli revanşist qüvvələr var. Bu re­allığı nəzərə almaya bilmərik və məhz buna görə ordumuzun gücləndirilməsi bir nömrəli vəzifəmizdir. Azərbaycan hakimiyyəti bundan ötrü bütün zəruri tədbirləri yüksək peşakarlıqla həyata keçirir.

Dünən Azərbaycan Respublikası­nın Prezidenti, Silahlı Qüvvələrin Ali Baş Komandanı İlham Əliyev Müdafiə Nazirliyinin komando hərbi hissələrinin birində yaradılan şəraitlə tanış olub, hərbi hissəyə döyüş bayrağını təqdim edib. Tədbirdə çıxış edən dövlətimizin başçısı Silahlı Qüvvələr Günü ərəfəsin­də ölkəmizdə növbəti komando hərbi hissəsinin açılışını çox əlamətdar ha­disə kimi dəyərləndirib: “Bildiyiniz kimi, Vətən müharibəsindən sonra mənim göstərişimlə Müdafiə Nazirliyində Ko­mando Qüvvələri yaradılmışdır və ko­mandoların sayı gündən-günə artır. Ar­tıq bir neçə hərbi hissə fəaliyyət göstərir və yeni hərbi hissələrin açılışı nəzərdə tutulur. Beləliklə, biz öz döyüş qabiliyyə­timizi əhəmiyyətli dərəcədə artırırıq və artıracağıq”.

Hər bir addımımızın arxasında güclü siyasi iradə dayanıb 

Ali Baş Komandan İlham Əliyev çıxışında iki ay əvvəl Ermənistan-Azər­baycan şərti sərhədində, Laçın yolu­nun üstündə Həkəri sərhəd-buraxılış məntəqəsinin yaradılmasını hakimiyyə­tin çox güclü siyasi iradəsinin göstəri­cisi olduğunu söylədi: “Azərbaycan-Er­mənistan şərti sərhədi istiqamətində baş vermiş hadisələr, ermənilərin ya­şadıqları Qarabağ bölgəmizdə hər­bi əməliyyatlar və iki ay əvvəl Ermə­nistan-Azərbaycan sərhədində, onun Laçın istiqamətində sərhəd-buraxılış məntəqəsinin yaradılması bizim çox güclü siyasi iradəmizin göstəricisidir. Yəni, biz bütün addımlarımızı vahid proqram əsasında atmışıq. Əgər son iki il yarım ərzində baş vermiş hadisələr təhlil olunarsa, hər kəs görə bilər ki, hər bir addımımızın arxasında güclü siyasi iradə dayanmışdır, güc dayanmışdır, məntiq dayanmışdır, beynəlxalq hüquq dayanmışdır və hər növbəti addım əvvəlki addımın məntiqi davamı idi”. İkinci Qarabağ müharibəsindən son­ra hərbi Zəfərimizi siyasi və diplomatik müstəvidə daha da möhkəmləndirməyin vacibliyini qeyd edən Prezident İlham Əliyev indi bölgədə gündəliyi müəyyən edən tərəfin Azərbaycan olduğunu xü­susi vurğuladı: “Əgər Vətən müharibə­sindən sonrakı birinci ayları götürsək, görərik ki, yenə də Ermənistanın hava­darları bizə köhnə tezisləri qəbul etdir­məyə çalışırdılar. Biz isə bunu qətiyyətlə rədd etdik və bu gün hər kəs görür ki, vaxtilə erməni işğalını əbədiləşdirmək üçün səylər göstərmiş Minsk qrupu artıq gündəlikdə yoxdur, tarixin arxivindədir. Hər kəs görür ki, vaxtilə Qarabağ ermə­niləri üçün hansısa xüsusi status tələb edən qüvvələr artıq tamamilə fərqli açıqlamalar verirlər. Görürük ki, vaxtilə “Qarabağ Ermənistandır və nöqtə” deyən Ermənistan rəhbərləri indi mənim sözlərimi təkrarlayırlar: “Qarabağ Azər­baycandır!” . 

Əsas şərt: Ermənistan ordusunun tör-töküntüsü Qarabağdan çıxmalıdır

Bəli, ötən ilin oktyabr ayında Ermə­nistanın baş naziri Azərbaycanın ərazi bütövlüyünü rəsmən tanıdığını açıqladı. Cənab Prezident bunun müsbətə doğru atılan bir addım olduğunu söyləməklə bərabər, bundan sonra həmin ifadələ­rin kağız üzərində olmasının, İrəvanın o sənədə imza atmasının vacibliyini önə çəkdi: “Yalnız bu halda Cənubi Qafqazda uzunmüddətli sülh yarana bilər. Əks–təqdirdə, sülh olmayacaq”. Cənab Prezident çıxışında aparılan sülh danışıqlarında Azərbaycanın şərt­lərindən birinin Zəngəzur dəhlizinin açıl­ması olduğunu xüsusi qeyd edib. Bunu Azərbaycanın tamamilə haqlı tələbi kimi dəyərləndirən dövlətimizin başçısı İrə­vanın bu öhdəliyi 2020-ci il 10 noyabr tarixli üçtərəfli Bəyanatı imzalamaqla öz üzərinə götürdüyünü xatırlatdı. 

Bakının Ermənistan rəhbərliyindən digər tələbi, eləcə də sülh yolunda va­sitəçilik missiyasını həyata keçirən ak­torların qarşısında qaldırdığı məsələ Hayastan ordusunun tör-töküntüsünün, bölgədə sabitliyin yaranmasına mane olan separatçı qüvvələrin Qarabağ iq­tisadi rayonumuzdan çıxarılmasıdır. Azərbaycan Prezidenti Ermənistanın üzərinə götürdüyü öhdəliklərdən biri kimi bunu da icra etmədiyini təkcə ma­raqlı tərəflərin deyil, beynəlxalq ictimaiy­yətin də diqqətinə çatdırdı. 

Yeni komando hərbi hissəsinin açılış tədbirindəki çıxışının sonunda Prezident, Silahlı Qüvvələrin Ali Baş Komandanı İlham Əliyev Azərbaycan xalqının bu il ulu öndər Heydər Əliyevin 100 illik yubileyini qeyd etdiyinə diqqəti yönəltdi. Ümummilli liderin Azərbaycan Ordusunun formalaşmasında xüsusi rolunu qeyd edən İlham Əliyev hələ so­vet dövründə Naxçıvanski adına hərbi məktəbin yaradılmasının Azərbaycanda peşəkar zabit kadrların hazırlanması məqsədini daşıdığını xüsusi olaraq vur­ğuladı. Düşünürük ki, cənab Prezidentin bu xüsusda fikirləri tədbir iştirakçılarının yaddaşında həmişəlik həkk olunacaq: “Ulu öndərin doğum günündə – 100 il­liyində mən Şuşada idim. Mən atamın doğum gününü Şuşada qeyd etmişəm və hesab edirəm ki, bu addımda böyük məna var. Şuşa Qarabağın tacıdır. Şuşa azad olunandan sonra Ermənistan döv­ləti və hökuməti öz məğlubiyyətini qəbul etməyə məcbur olmuşdur”.

Xalq-Dövlət-Ordu vəhdətinin simvo­luna çevrilmiş “dəmir yumruq” həm də bu gün doğma torpaqlarımızın keşiyində ayıq-sayıq dayanmış, yağının hücumu­na layiq olduğu cavabı verməyə hazır komandoların qürur və güc mənbəyidir. 

İmran BƏDİRXANLI, “Xalq qəzeti”