Müasir dünyamızda qlobal terrorizmin bəşəriyyətin təhlükə­sizliyi baxımından ən böyük təh­did mənbəyi olaraq qaldığı şübhəsizdir. Bu da şübhəsizdir ki, beynəlxalq terrorizm ona qarşı beynəlxalq səviyyədə mübarizə­ni zəruri edir. Ancaq təəssüflər olsun ki, bir çox hallarda siya­si amillər, fərdi yanaşmalar, ikili standartlar terrorizmə, o cümlə­dən, ayrı-ayrı terror təşkilatları­na vahid mövqedən yanaşmağa, terrorizmə qarşı birgə mübarizə təşkil etməyə imkan vermir. Məhz bütün bu amillərin nəticəsidir ki, Azərbaycan və Türkiyə onilliklər­dir ki, terrorizmə qarşı təkbaşına – yalnız öz qüvvələri daxilində mü­barizə aparmaqda, bu mübarizədə böyük uğurlara imza atmaqdadır.

Avropa təhlükədən sığortalanır

Məlumdur ki, Azərbaycan və Tür­kiyənin terrorizmə qarşı apardığı mü­barizə Qərb dövləltəri tərəfindən heç vaxt paraktiki dəstək almayıb. Əksinə, bir çox hallarda bəzi Qərb ölkələri ter­rorçu təşkilatların, yaxud separatçıların yanında yer alıb, onlara dəstək verib­lər. Buna nümunə olaraq Fransanın bu gün də erməni terroruna kömək etdiyi­ni, separatçılara açıq-aşkar dəstək ver­diyini göstərmək olar. Halbuki, Türkiyə və Azərbaycanın terrora qarşı apar­dıqları mübarizə yalnız bu dövlətlərin deyil, bütün dünyanın, o cümlədən, Av­ropanın terrordan müdafiəsinə xidmət edir. Türkiyə Prezidenti Rəcəb Tayyib Ərdoğan Suriyada İŞİD terror təşki­latına qarşı keçirilən son əməliyyatla bağl açıqlamasında bu həqiqəti Qərb dünyasına xatırladaraq deyir: “Türkiyə kəşfiyyatı uzun müddət idi İŞİD-in qon­darma başçısı Əbu Hüseyn əl-Qureyşi­ni izləyirdi. Bu şəxs dünən MİT-in (Milli İstihbarat Təşkilatı) Suriyada keçirdiyi əməliyyatla zərərsizləşdirilib.

Güclü Türkiyə dinc vətəndaşla­rı üçün qürur mənbəyidir. Terrorçular artıq başlarını qaldıra bilmirlər, bu da Avropanın təhlükəsizliyinə töhfə verir, amma bunu anlamırlar, hətta müdafiə edirlər. Terror təşkilatlarına qarşı ən təsirli şəkildə mübarizə aparan yeganə ölkə bizik. PKK-nın ən böyük terrorçu­ları zərərsizləşdirilib”.

Göründüyü kimi, Avropadakı bəzi qüvvələrin terrorçuları himayə etdiyi Türkiyə Prezidenti tərəfindən də etiraf olunmaqdadır. Əslində, terror təşkilatla­rının bir çox hallarda Avropa dövlətləri tərəfindən himayə olunması gerçəkliyi, həm də bugünə qədər beynəlxalq ter­rorizmə qarşı mübarizədə qəti uğurun hansı səbəblə əldə edilməməsi sualını izah edir. Bu fakt sübut edir ki, terrorun bəzi qlobal güclər tərəfindən himayəsi fonunda bu təhlükədən tam olaraq sı­ğortalanmaq mümkün deyil. Bununla belə, qardaş Türkiyə də, eyniylə Azər­baycan kimi, terrora qarşı mübarizəni yorulmadan davam etdirməkdə, bu sahədə ciddi uğurlara imza atmaqda­dır. Bir faktı qeyd edək ki, 2022-ci ildə Türkiyə 87-si xüsusi dərəcəli təhlükəli olmaqla, ümumilikdə, 1220 terrorçunu zərərsizləşdirib. Eyni zamanda, Türkiyə ötən il 185 terror aktının qarşısı alıb, minlərlə insanın həyatını xilas edib. 

2020-ci ildə erməni faşizminə qar­şı müharibədə qətiyyətli qələbə əldə edən Azərbaycan da terrorizmə, o cümlədən, mina terroruna qarşı müba­rizəsini davam etdirməkdədir. Statisti­kaya nəzər salsaq görərik ki, 2022-ci ildə Azərbaycan ermənilər tərəfindən ərazilərimizdə basdırılan 12,313 min minanın zərərsizləşdirilməsinə nail olub. Bütün bu rəqəmlər həm Azər­baycan, həm də Türkiyənin beynəlxalq dəstək olmadan terrora və terrorizmə qarşı hansı miqyasda mübarizə apar­dığını göstərir. 

Terrora dəstək də cinayətdir

Azərbaycan və Türkiyənin qlobal terrorizmə qarşı apardığı bu müba­rizə bütün dünyada terror təhlükəsinin azalmasına, bəşəriyyətin, o cümlədən, onun bir parçası olan Qərb dünyasının terror risklərindən sığortalanmasına xidmət edir. Təəssüflər olsun ki, hər iki türk dövlətinin sərgilədiyi bu fədakar­lıq Avropa dövlətləri tərəfindən təqdir və dəstəkdən kənar qalmaqdadır. Bu, azmış kimi, müəyyən məqamlarda ter­rora siyasi-iqtisadi dəstək verən bəzi dövlətlər Azərbaycan və Türkiyənin terrorizmə qarşı apardığı mübarizənin əhəmiyyətini azaltmaqda, bu müba­rizənin daha effektiv nəticə verməsini əngəlləməkdədir. Məlumat üçün qeyd edək ki, erməni faşizminin qatı himayə­darlarından olan İran son bir il ərzində terrorun bilavasitə və ya dolayısı ilə dəstəklənməsi məqsədilə 16 milyard dollar məbləğində vəsait sərf edib. Bu vəsaitin miqdarı terrorizmin hansı sə­viyyədə himayə edildiyini göstərir. 

Təbii ki, terrorizmin dəstəklənmə­si, onun himayə edilməsi bütün bəşə­riyyətə, onun təhlükəsizliyinə xəyanət deməkdir. Çünki terrora, terrorçuya göstərilən ən xırda dəstək belə nəticə etibarı ilə bəşəriyyət üçün ağır fəsad­lara, qorxunc nəticələrə səbəb olur. Bu isə o deməkdir ki, törədilən hər terror aktına görə məsuliyyət onu icra edən­lərlə yanaşı, həm də onlara yardım edənlərin üzərinə düşür. 

Hazırda Türkiyə və Azərbaycan beynəlxalq terrorizmə qarşı mübarizə­nin lokomotivləri qismində çıxış edir­lər. Bu gün bütün dünyanın terrorizmə qarşı mübarizə fonunda atmalı olduğu yeganə addım Azərbaycan və Tür­kiyənin ətrafında birləşmək, terrorizmə qarşı mübarizədə bu ölkələrə dəstək vermək, bu yolla öz təhlükəsizliklərinin təmin edilməsinə yardımçı olmaqdır.

Seymur ƏLİYEV