Xəzər regionu tərəfdaşlıq iqtisadiyyatının yeni artım nöqtəsinə çevrilir və Xəzər Forumu kimi sahənin işi göstərir ki, müxtəlif ölkələrin çoxtərəfli qarşılıqlı faydalı əməkdaşlıq konsepsiyası, hətta müəyyən məsələlərdə fikir ayrılıqları olsa belə, mümkündür və həyat qabiliyyətlidir. Bu fikirləri Gazeta.Ru-ya politoloq, “Qovorit Moskva” radiostansiyasının siyasi şərhçisi, Rusiya Federasiyası İctimai Şurasının üzvü Aleksandr Asafov deyib.
Ekspert xatırladıb ki, 20 il əvvəl Rusiya Xəzər regionunda "mövqelərini möhkəmləndirib". 2002-ci il aprelin 23-də Aşqabadda Rusiya, Qazaxıstan, Azərbaycan, Türkmənistan və İran dövlət başçılarının iştirakı ilə birinci Xəzər sammiti keçirilib. Görüşün mövzusu Xəzər dənizinin hüquqi statusu məsələsinin həlli və Xəzər regionu ölkələri arasında qarşılıqlı fəaliyyət olub. Növbəti il Rusiya Xəzərin 19 faizinə öz hüququnu təmin edib.
Aleksandr Asafovun sözlərinə görə, birinci Xəzər sammiti Xəzər regionunda beynəlxalq aləmdə yeni güc mərkəzinin formalaşması üçün əsas oldu. Ekspert qeyd edir ki, 2022-ci ilin iyununda Xəzər Forumu ölkələrini "ümumi çağırışlar qarşısında bir araya gətirən platformaya çevrilib".
Asafov diqqəti ona yönəldir ki, əvvəllər çoxqütblülükdən, Qərb layihələrinə alternativ təsir və əməkdaşlıq mərkəzlərindən danışmaq cəhdlərinin əhəmiyyətsiz olması ilə bağlı skeptik fikirlər səslənirdi. İndi Beş Dövlət İttifaqı: Braziliya, Rusiya, Hindistan, Çin, Cənubi Afrika (BRİKS), Şanxay Əməkdaşlıq Təşkilatı (ŞƏT), Kollektiv Təhlükəsizlik Müqaviləsi Təşkilatı (KTMT) kimi platformalar inkişafa yeni təkan verib və çoxtərəfli fayda əldə etmək üçün qarşılıqlı faydalı fəaliyyətlərə nümunədir. Ekspert hesab edir ki, bu, Xəzər Forumuna da aiddir.
“Xəzər məkanı çoxdan öz yerini tələb edir. Asafov hesab edir ki, Rusiya prezidenti tərəfindən irəli sürülən “Xəzər beşliyi”nin əməkdaşlıq strategiyası həyati və perspektivlidir.
S.ELAY,
"Xalq qəzeti"
