№ 406 Bakı şəhəri, 6 sentyabr 2024-cü il

“Dəniz əməliyyatları bazası reyestri­nin aparılması Qaydası”nın təsdiq edilməsi haqqında

Azərbaycan Respublikası Konstitusiya­sının 119-cu maddəsinin səkkizinci abzasını rəhbər tutaraq, “Azərbaycan Respublikasının Ticarət Gəmiçiliyi Məcəlləsində dəyişiklik edilməsi haqqında” Azərbaycan Respublika­sının 2023-cü il 22 dekabr tarixli 1066-VIQD nömrəli Qanununun tətbiqi və bununla əlaqə­dar Azərbaycan Respublikası Prezidentinin bəzi fərmanlarında və Sərəncamında dəyişik­lik edilməsi barədə” Azərbaycan Respublika­sı Prezidentinin 2024-cü il 15 fevral tarixli 2 nömrəli Fərmanının 2.1-ci bəndinin icrasını təmin etmək məqsədilə Azərbaycan Respub­likasının Nazirlər Kabineti qərara alır: 

1. “Dəniz əməliyyatları bazası reyestrinin aparılması Qaydası” təsdiq edilsin (əlavə olu­nur). 

2. Azərbaycan Respublikasının Rəqəmsal İnkişaf və Nəqliyyat Nazirliyi: 

2.1. Dəniz əməliyyatları bazası reyestri­nin altı ay müddətində formalaşdırılmasını təmin etsin; 

2.2. Azərbaycan Respublikası Prezidenti­nin 2018-ci il 12 sentyabr tarixli 263 nömrəli Fərmanı ilə təsdiq edilmiş “Dövlət informa­siya ehtiyatları və sistemlərinin formalaşdı­rılması, aparılması, inteqrasiyası və arxivləş­dirilməsi Qaydaları”na uyğun olaraq Dəniz əməliyyatları bazası reyestrinin aidiyyəti dövlət informasiya ehtiyatları və sistemləri ilə əlaqələndirilməsini Elektron Hökumət İnfor­masiya Sistemi vasitəsilə təmin etsin;

2.3. Dəniz əməliyyatları bazası reyestri­nin “Dövlət informasiya ehtiyatlarının, sis­temlərinin və elektron xidmətlərin vahid re­yestri”nə və Fərdi məlumatların informasiya sistemlərinin dövlət reyestrinə daxil edilmə­sini təmin etsin;

2.4. Dəniz əməliyyatları bazası reyestri­nin “Hökumət buludu”nun (G-cloud) yaradıl­ması və “bulud” xidmətlərinin göstəril-məsi sahəsində tədbirlər haqqında” Azərbaycan Respublikası Prezidentinin 2019-cu il 3 iyun tarixli 718 nömrəli Fərmanına uyğun olaraq “Hökumət buludu”nda yerləşdirilməsini, apa­rılmasını və təkmilləşdirilməsini təşkil etsin.

3. Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti:

3.1. Dəniz əməliyyatları bazası reyestrini mühafizə olunan telekommunikasiya kanalla­rı ilə təmin etsin və həmin sistemin təhlükə­sizlik meyarları üzrə monitorinqini həyata keçirsin;

3.2. Dəniz əməliyyatları bazası reyest­rinin informasiya təhlükəsizliyinin təmin edilməsi məqsədilə həmin reyestrin sahibi və operatoru ilə birlikdə zəruri tədbirlər görsün.

Əli ƏSƏDOV,
Azərbaycan Respublikasının Baş naziri