№ 168 Bakı şəhəri, 19 mart 2024-cü il
“Azərbaycan Milli Elmlər Akademiyasının nəzdində Təbiət Tarixi Muzeyinin Nizamnaməsinin və strukturunun təsdiq edilməsi haqqında” Azərbaycan Respublikası Nazirlər Kabinetinin 2015-ci il 10 iyul tarixli 265 nömrəli Qərarında dəyişiklik edilməsi barədə
“Azərbaycan Milli Elmlər Akademiyasının Nizamnaməsinin təsdiq edilməsi haqqında” Azərbaycan Respublikası Prezidentinin 2023-cü il 3 noyabr tarixli 2340 nömrəli Fərmanının 2-ci hissəsinin icrasını təmin etmək məqsədilə Azərbaycan Respublikasının Nazirlər Kabineti qərara alır:
“Azərbaycan Milli Elmlər Akademiyasının nəzdində Təbiət Tarixi Muzeyinin Nizamnaməsinin və strukturunun təsdiq edilməsi haqqında” Azərbaycan Respublikası Nazirlər Kabinetinin 2015-ci il 10 iyul tarixli 265 nömrəli Qərarında (Azərbaycan Respublikasının Qanunvericilik Toplusu, 2015, № 7, maddə 896 (Cild I) aşağıdakı dəyişikliklər edilsin:
1. Adında, 1-ci və 2-ci hissələrdə “Azərbaycan Milli Elmlər Akademiyasının nəzdində” sözləri “Azərbaycan Respublikası Elm və Təhsil Nazirliyinin tabeliyindəki” sözləri ilə əvəz edilsin.
2. Həmin Qərarla təsdiq edilmiş 1 nömrəli əlavə - “Azərbaycan Milli Elmlər Akademiyasının nəzdində Təbiət Tarixi Muzeyinin Nizamnaməsi” üzrə:
2.1. adında və 1.1-ci bənddə “Azərbaycan Milli Elmlər Akademiyasının nəzdində” sözləri “Azərbaycan Respublikası Elm və Təhsil Nazirliyinin tabeliyindəki” sözləri ilə əvəz edilsin;
2.2. 1.3-cü bənddə “Azərbaycan Milli Elmlər Akademiyasının (bundan sonra - AMEA)” sözləri “Azərbaycan Respublikası Elm və Təhsil Nazirliyinin (bundan sonra - Nazirlik)” sözləri ilə əvəz edilsin;
2.3. 1.4-cü bənddə “AMEA-nın” sözləri “Nazirliyin” sözü ilə əvəz edilsin;
2.4. 3.1.1-ci yarımbənddə, 6.3-cü bəndin ikinci cümləsində, 6.4-cü bəndin üçüncü cümləsində, 6.9-cu bənddə, 6.10.5-ci və 6.10.7-ci yarımbəndlərdə “AMEA-nın Rəyasət Heyəti” sözləri “Nazirlik” sözü ilə əvəz edilsin;
2.5. 4.2-ci bənddə “AMEA-nın Rəyasət Heyətinin” sözləri “Nazirliyin” sözü ilə əvəz edilsin;
2.6. 6.10.6-cı yarımbənddə “AMEA-nın Rəyasət Heyətinə” sözləri “Nazirliyə” sözü ilə əvəz edilsin.
3. Həmin Qərarla təsdiq edilmiş 2 nömrəli əlavə - “Azərbaycan Milli Elmlər Akademiyasının nəzdində Təbiət Tarixi Muzeyinin strukturu”nun adında “Azərbaycan Milli Elmlər Akademiyasının nəzdində” sözləri “Azərbaycan Respublikası Elm və Təhsil Nazirliyinin tabeliyindəki” sözləri ilə əvəz edilsin.
Əli ƏSƏDOV,
Azərbaycan Respublikasının Baş naziri