№ 146 Bakı şəhəri, 13 mart 2024-cü il

Azərbaycan Respublikası Nazirlər Kabinetinin 2013-cü il 30 avqust tarixli 238 nömrəli Qərarı ilə təsdiq edilmiş “Siyasi partiyalarda mühasibat uçotu­nun aparılması Qaydaları”nda dəyişik­lik edilməsi haqqında

“Siyasi partiyalar haqqında” Azərbay­can Respublikasının 2022-ci il 16 dekabr tarixli 693-VIQ nömrəli Qanununun tət­biqi və “Siyasi partiyalar haqqında” Azər­baycan Respublikasının Qanununda dəyişikliklər edilməsi barədə” Azərbay­can Respublikasının 2012-ci il 20 aprel tarixli 346-IVQD nömrəli Qanununun tət­biqi haqqında” Azərbaycan Respublikası Prezidentinin 2012-ci il 8 may tarixli 625 nömrəli Fərmanında dəyişiklik edilməsi barədə” Azərbaycan Respublikası Prezi­dentinin 2023-cü il 11 yanvar tarixli 1960 nömrəli Fərmanının 2.3-cü bəndinin icra­sını təmin etmək məqsədilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2013-cü il 30 avqust tarixli 238 nömrəli Qərarı (Azərbaycan Res­publikasının Qanunvericilik Toplusu, 2013, № 8, maddə 1034 (Cild I) ilə təsdiq edilmiş “Siyasi partiyalarda mühasibat uçotunun aparılması Qaydaları”nda aşa­ğıdakı dəyişikliklər edilsin:

1. 3.1-ci bənd aşağıdakı redaksiyada verilsin:

“3.1. Azərbaycan Respublikası Na­zirlər Kabinetinin 2023-cü il 3 avqust ta­rixli 262 nömrəli Qərarı ilə təsdiq edilmiş “Siyasi partiyanın maliyyə hesabatının forması, məzmunu və təqdim edilməsi Qaydası”na uyğun olaraq maliyyə he­sabatlarının tərkib hissələri “Maliyyə vəziyyəti haqqında hesabat”dan, “Ma­liyyə-təsərrüfat fəaliyyətinin nəticələri haqqında hesabat”dan və “Əhəmiyyətli uçot siyasəti və izahlı qeydlər”dən ibarət­dir.”.

2. Mətn üzrə ismin müvafiq hallarında “maliyyə fəaliyyətinin nəticələri haqqında hesabat” sözləri ismin müvafiq hallarında “maliyyə-təsərrüfat fəaliyyətinin nəticələri haqqında hesabat” sözləri ilə, ismin mü­vafiq hallarında “Maliyyə fəaliyyətinin nə­ticələri haqqında hesabat” sözləri ismin müvafiq hallarında “Maliyyə-təsərrüfat fəaliyyətinin nəticələri haqqında hesabat” sözləri ilə əvəz edilsin.

3. “8. Mühasibat uçotunun Hesablar Planı” üzrə:

3.1. “Hesabın nömrəsi” sütununda “241”, “242”, “243” rəqəmləri müvafiq ola­raq “231”, “232”, “233” rəqəmləri ilə əvəz edilsin və həmin sütundan “609”, “610”, “708” rəqəmləri çıxarılsın;

3.2. “Bölmə, maddə və hesabların adı” sütununda “Üzvlük haqları” sözləri “Üzvlük haqqı” sözləri ilə, “Əmlakdan gö­türülən gəlir” sözləri “İanə” sözü ilə, “Təd­birlərdən, mətbu nəşrlərin və məqalələrin yayılmasından, gəlirlə bağlı olan başqa fəaliyyətdən götürülən gəlir” sözləri “Döv­lət maliyyə yardımı” sözləri ilə, “İanələr şəklində götürülən gəlir” sözləri “Çap me­diasının təsis edilməsindən, o cümlədən çap mediasının iştirakçısı olmaqdan əldə edilən gəlir” sözləri ilə, “Seçki kampani­yası üçün xərclərin ödənilməsi şəklində daxil olan vəsait” sözləri “İctimai-siyasi nəşrlərin, digər təbliğat və təşviqat ma­teriallarının hazırlanması və satışından gəlir” sözləri ilə, “Aşağı təşkilatların ödə­nişləri” sözləri “Mülki hüquq müqavilələri üzrə, o cümlədən əmlakından istifadə və onun satılmasından əldə edilən gə­lir” sözləri ilə, “Dövlət büdcəsindən ayrı­lan vəsait” sözləri “Hüquq varisliyi və ya vərəsəlik (miras aktivi) yolu ilə əldə edil­miş əmlak” sözləri ilə, “Hüquq varisliyi və ya vərəsəlik yolu ilə əldə edilmiş əmlak” sözləri “Qanunla qadağan olunmayan di­gər gəlirlər” sözləri ilə, “Aşağı təşkilatlara ödənişlər” sözləri “Yerli (aşağı) təşkilat­lara ödənişlər” sözləri ilə əvəz edilsin və həmin sütundan “Digər gəlirlər (o cümlə­dən borcun və ya kreditin alınmasından əldə edilmiş məbləğ)”, “Cəmi gəlirlər” və “Cəmi xərclər” sözləri çıxarılsın.

4. 13.1-ci bənd aşağıdakı redaksiya­da verilsin:

“13.1. Təşkilatın gəlirləri aşağıdakı kimi formalaşır:

13.1.1. “Maliyyə-təsərrüfat fəaliyyə­tinin nəticələri haqqında hesabat”da gə­lirlər aşağıdakı hesablar üzrə yığılır və maliyyə hesabatının 60-cı maddəsində ümumiləşdirilir:

13.1.1.1. üzvlük haqqı;

13.1.1.2. ianə;

13.1.1.3. dövlət maliyyə yardımı;

13.1.1.4. çap mediasının təsis edil­məsindən, o cümlədən çap mediasının iştirakçısı olmaqdan əldə edilən gəlir;

13.1.1.5. ictimai-siyasi nəşrlərin, di­gər təbliğat və təşviqat materiallarının hazırlanması və satışından gəlir;

13.1.1.6. mülki hüquq müqavilələri üzrə, o cümlədən əmlakından istifadə və onun satılmasından əldə edilən gəlir;

13.1.1.7. hüquq varisliyi və ya vərəsə­lik (miras aktivi) yolu ilə əldə edilmiş əm­lak;

13.1.1.8. qanunla qadağan olmayan digər gəlirlər.

13.1.2. “Üzvlük haqqı” hesabında təş­kilatın üzvlük haqqı kimi əldə etdiyi gəlir­lərin uçotu aparılır. Hesabat dövrü üzrə və əvvəlki hesabat dövrü üzrə bu hesa­bın məbləğləri “Maliyyə-təsərrüfat fəa­liyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir. 

13.1.3. “İanə” hesabında təşkilatın ianə kimi əldə etdiyi gəlirlərin uçotu apa­rılır. Hesabat dövrü üzrə və əvvəlki he­sabat dövrü üzrə bu hesabın məbləğləri “Maliyyə-təsərrüfat fəaliyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunla­rında əks etdirilir.

13.1.4. “Dövlət maliyyə yardımı” he­sabında təşkilatın dövlət maliyyə yardımı hesabına əldə etdiyi gəlirlərin uçotu apa­rılır. Hesabat dövrü üzrə və əvvəlki he­sabat dövrü üzrə bu hesabın məbləğləri “Maliyyə-təsərrüfat fəaliyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunla­rında əks etdirilir.

13.1.5. “Çap mediasının təsis edil­məsindən, o cümlədən çap mediasının iştirakçısı olmaqdan əldə edilən gəlir” he­sabında təşkilatın çap mediasının təsis edilməsindən, o cümlədən çap mediası­nın iştirakçısı olmaqdan əldə etdiyi gəlir­lərin uçotu aparılır. Hesabat dövrü üzrə və əvvəlki hesabat dövrü üzrə bu hesa­bın məbləğləri “Maliyyə-təsərrüfat fəa­liyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir.

13.1.6. “İctimai-siyasi nəşrlərin, digər təbliğat və təşviqat materiallarının hazır­lanması və satışından gəlir” hesabında təşkilatın ictimai-siyasi nəşrlərin, digər təbliğat və təşviqat materiallarının hazır­lanması və satışından əldə etdiyi gəlirlə­rin uçotu aparılır. Hesabat dövrü üzrə və əvvəlki hesabat dövrü üzrə bu hesabın məbləğləri “Maliyyə-təsərrüfat fəaliyyəti­nin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir.

13.1.7. “Mülki hüquq müqavilələri üzrə, o cümlədən əmlakından istifadə və onun satılmasından əldə edilən gəlir” hesabında təşkilatın mülki hüquq müqa­vilələri üzrə, o cümlədən əmlakından is­tifadə və onun satılmasından əldə etdiyi gəlirlərin uçotu aparılır. Hesabat dövrü üzrə və əvvəlki hesabat dövrü üzrə bu hesabın məbləğləri “Maliyyə-təsərrüfat fəaliyyətinin nəticələri haqqında hesa­bat”ın həmin hesab sətri üzrə müvafiq olaraq 3-cü və 5-ci sütunlarında əks et­dirilir.

13.1.8. “Hüquq varisliyi və ya vərəsə­lik (miras aktivi) yolu ilə əldə edilmiş əm­lak” hesabında təşkilatın hüquq varisliyi və ya vərəsəlik (miras aktivi) yolu ilə əldə etdiyi əmlak üzrə gəlirlərinin uçotu apa­rılır. Hesabat dövrü üzrə və əvvəlki he­sabat dövrü üzrə bu hesabın məbləğləri “Maliyyə-təsərrüfat fəaliyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunla­rında əks etdirilir.

13.1.9. “Qanunla qadağan olunma­yan digər gəlirlər” hesabında təşkilatın qanunla qadağan olunmayan digər gəlir­lərinin uçotu aparılır. Hesabat dövrü üzrə və əvvəlki hesabat dövrü üzrə bu hesa­bın məbləğləri “Maliyyə-təsərrüfat fəa­liyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir.”.

5. 13.2-ci bənd, 13.2.1-ci (13.2.1.1-13.2.1.7-ci abzaslar istisna olmaqla) və 13.2.2-13.2.8-ci yarımbəndlər aşağıdakı redaksiyada verilsin:

“13.2. Təşkilatın xərcləri aşağıdakı kimi formalaşır:

13.2.1. “Maliyyə-təsərrüfat fəaliy­yətinin nəticələri haqqında hesabat”da xərclər aşağıdakı hesablar üzrə yığılır və maliyyə hesabatının 70-ci maddəsində ümumiləşdirilir.

13.2.2. “Cari işlərə sərf olunan vəsait” hesabında təşkilatın əldə etdiyi gəlirlə­ri üzrə xərc kimi tanınmış məsrəflərinin uçotu aparılır. Hesabat dövrü üzrə və əvvəlki hesabat dövrü üzrə bu hesabın məbləğləri “Maliyyə-təsərrüfat fəaliyyəti­nin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir.

13.2.3. “Siyasi partiyanın saxlanma­sına və informasiya təminatına çəkilən xərclər” hesabında təşkilatın əldə etdiyi gəlirləri üzrə xərc kimi tanınmış məsrəf­lərinin uçotu aparılır. Hesabat dövrü üzrə və əvvəlki hesabat dövrü üzrə bu hesa­bın məbləğləri “Maliyyə-təsərrüfat fəa­liyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir.

13.2.4. “İctimaiyyətlə əlaqələrə və seçkilərin keçirilməsinə çəkilən xərclər” hesabında təşkilatın seçki kampaniyası üçün xərclərin ödənilməsi şəklində daxil olan vəsait üzrə xərc kimi tanınmış məs­rəflərinin uçotu aparılır. Hesabat dövrü üzrə və əvvəlki hesabat dövrü üzrə bu hesabın məbləğləri “Maliyyə-təsərrüfat fəaliyyətinin nəticələri haqqında hesa­bat”ın həmin hesab sətri üzrə müvafiq olaraq 3-cü və 5-ci sütunlarında əks et­dirilir.

13.2.5. “Yerli (aşağı) təşkilatlara ödə­nişlər” hesabında təşkilatın yerli (aşağı) təşkilatların (filialların, nümayəndəliklə­rin və digər struktur bölmələrinin) saxla­nılması ilə bağlı əldə etdiyi gəlirləri üzrə xərc kimi tanınmış məsrəflərinin uçotu aparılır. Hesabat dövrü üzrə və əvvəlki hesabat dövrü üzrə bu hesabın məbləğ­ləri “Maliyyə-təsərrüfat fəaliyyətinin nəti­cələri haqqında hesabat”ın həmin hesab sətri üzrə müvafiq olaraq 3-cü və 5-ci sü­tunlarında əks etdirilir.

13.2.6. “Kreditlər üzrə faizlər” hesa­bında təşkilatın gəlirləri ilə bağlı olmayan xərc kimi tanınmış məsrəflərinin uçotu aparılır. Hesabat dövrü üzrə və əvvəlki hesabat dövrü üzrə bu hesabın məbləğ­ləri “Maliyyə-təsərrüfat fəaliyyətinin nəti­cələri haqqında hesabat”ın həmin hesab sətri üzrə müvafiq olaraq 3-cü və 5-ci sü­tunlarında əks etdirilir.

13.2.7. “Fərdi xərclər” hesabında təşkilatın əldə etdiyi gəlirləri ilə bağlı ol­mayan ezamiyyə və nümayəndəlik xərc­ləri uçota alınır. Hesabat dövrü üzrə və əvvəlki hesabat dövrü üzrə bu hesabın məbləğləri “Maliyyə-təsərrüfat fəaliyyəti­nin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunlarında əks etdirilir.

13.2.8. “Sair xərclər” hesabında təş­kilatın əldə etdiyi gəlirləri ilə bağlı olma­yan xərc kimi tanınmış məbləğlər uçota alınır. Hesabat dövrü üzrə və əvvəlki he­sabat dövrü üzrə bu hesabın məbləğləri “Maliyyə-təsərrüfat fəaliyyətinin nəticələri haqqında hesabat”ın həmin hesab sətri üzrə müvafiq olaraq 3-cü və 5-ci sütunla­rında əks etdirilir.”.

6. 13.2.1.4-cü abzasda “aşağı təş­kilatlara ödənclər” sözləri “yerli (aşağı) təşkilatlara ödənişlər” sözləri ilə əvəz edilsin.

7. 13.3.1-ci yarımbənddə “əldə edil­miş cəmi gəlirlərindən cəmi xərcləri” söz­ləri “maliyyə hesabatının 60-cı maddəsi üzrə əldə edilmiş gəlirlərindən maliyyə hesabatının 70-ci maddəsi üzrə xərcləri” sözləri ilə əvəz edilsin.

8. 13.3.2-ci yarımbəndə “Ümumi mənfəət (zərər)” sözlərindən əvvəl “He­sabat dövrü üzrə və əvvəlki hesabat döv­rü üzrə” sözləri əlavə edilsin.

Əli ƏSƏDOV,
Azərbaycan Respublikasının Baş naziri