№ 17 Bakı şəhəri, 12 yanvar 2024-cü il

Azərbaycan Respublikası Nazirlər Kabineti­nin “İnzibati xəta haqqında iş üzrə icraat zama­nı götürülmüş tez xarab olan mallar barəsində sərəncam verilməsi Qaydası”nın və “İnzibati xəta haqqında iş üzrə icraat zamanı götürülmüş narkotik vasitələr və psixotrop maddələr, həmçi­nin müvafiq standartlara, sanitariya normaları­na və qaydalarına, gigiyena normativlərinə ca­vab verməyən etil spirti, alkoqollu və tərkibində spirt olan məhsulların yenidən istehsala göndə­rilməsi və ya məhv edilməsi Qaydası”nın təsdiq edilməsi barədə” 2017-ci il 18 dekabr tarixli 564 nömrəli, “Azərbaycan Qida Təhlükəsizliyi İns­titutu publik hüquqi şəxsin Nizamnaməsinin və strukturunun təsdiq edilməsi haqqında” 2018-ci il 16 may tarixli 220 nömrəli, “Ticarət və icti­mai iaşə sahəsində ərzaq məhsullarının təbii itki Normaları”nın təsdiq edilməsi barədə” 2018-ci il 17 iyul tarixli 307 nömrəli, “Azərbaycan Respublikasının vahid büdcə təsnifatının təsdiq edilməsi barədə” 2018-ci il 11 oktyabr tarixli 440 nömrəli, “Peşə təhsili müəssisələrinin ayrı-ayrı peşə istiqamətləri üzrə tədris qruplarında orta sıxlığın müəyyən edilməsi haqqında” 2019-cu il 11 mart tarixli 86 nömrəli və “Azərbaycan Res­publikasının ərazisində dövlət vəsaitləri hesabı­na maliyyələşdirilən tikinti obyektləri üçün yeni smeta-normativ və qiymətqoyma sisteminin və onun əsasında qiymətqoymanın resurs metodu­nun tətbiq olunması ilə əlaqədar bəzi normativ hüquqi aktların təsdiq edilməsi haqqında” 2021-ci il 25 may tarixli 150 nömrəli qərarlarında də­yişiklik edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Qida təhlükəsizliyi haqqında” Azərbay­can Respublikasının 2022-ci il 5 may tarixli 523-VIQ nömrəli Qanununun tətbiqi və Azərbaycan Respublikası Prezidentinin “Yeyinti məhsulları haqqında” Azərbaycan Respublikası Qanununun tətbiq edilməsi barədə” 2000-ci il 26 yanvar ta­rixli 267 nömrəli, “Yeyinti məhsulları haqqında” Azərbaycan Respublikası Qanununun tətbiq edil­məsi ilə bağlı əlavə tədbirlər barədə” 2003-cü il 23 oktyabr tarixli 969 nömrəli fərmanlarının ləğv edilməsi haqqında” Azərbaycan Respublikası Pre­zidentinin 2022-сi il 24 iyun tarixli 1723 nömrəli Fərmanının 1.3-cü bəndinə əsasən Azərbaycan Respublikasının Nazirlər Kabineti qərara alır:

1. “İnzibati xəta haqqında iş üzrə icraat za­manı götürülmüş tez xarab olan mallar barəsin­də sərəncam verilməsi Qaydası”nın və “İnzibati xəta haqqında iş üzrə icraat zamanı götürülmüş narkotik vasitələr və psixotrop maddələr, həmçi­nin müvafiq standartlara, sanitariya normalarına və qaydalarına, gigiyena normativlərinə cavab verməyən etil spirti, alkoqollu və tərkibində spirt olan məhsulların yenidən istehsala göndərilməsi və ya məhv edilməsi Qaydası”nın təsdiq edilməsi barədə” Azərbaycan Respublikası Nazirlər Kabi­netinin 2017-ci il 18 dekabr tarixli 564 nömrəli Qərarında (Azərbaycan Respublikasının Qanun­vericilik Toplusu (Cild I) aşağıdakı dəyişikliklər edilsin:

1.1. həmin Qərarla təsdiq edilmiş 1 nömrəli əlavə - “İnzibati xəta haqqında iş üzrə icraat za­manı götürülmüş tez xarab olan mallar barəsində sərəncam verilməsi Qaydası”nın 2.18-ci bəndində “Malların” sözü “Qida məhsullarının” sözləri ilə, “Azərbaycan Respublikası Nazirlər Kabinetinin 2005-ci il 12 fevral tarixli 27 nömrəli Qərarı ilə təsdiq edilmiş “İstifadəyə yararsız yeyinti məh­sullarının götürülməsi, zərərsizləşdirilməsi və ya məhv edilməsi Qaydaları”na uyğun olaraq” söz­ləri “Qida təhlükəsizliyi haqqında” Azərbaycan Respublikası Qanununun 30-cu maddəsinə uyğun olaraq Azərbaycan Respublikasının Nazirlər Ka­bineti tərəfindən müəyyən edilmiş qaydada” söz­ləri ilə əvəz edilsin;

1.2. həmin Qərarla təsdiq edilmiş 2 nömrəli əlavə - “İnzibati xəta haqqında iş üzrə icraat za­manı götürülmüş narkotik vasitələr və psixotrop maddələr, həmçinin müvafiq standartlara, sanita­riya normalarına və qaydalarına, gigiyena norma­tivlərinə cavab verməyən etil spirti, alkoqollu və tərkibində spirt olan məhsulların yenidən istehsa­la göndərilməsi və ya məhv edilməsi Qaydası”­nın 2.7-ci bəndində “Azərbaycan Respublikası Nazirlər Kabinetinin 2005-ci il 12 fevral tarixli 27 nömrəli Qərarı ilə təsdiq edilmiş “İstifadəyə yararsız yeyinti məhsullarının götürülməsi, zərər­sizləşdirilməsi və ya məhv edilməsi Qaydaları”na uyğun” sözləri “Qida təhlükəsizliyi haqqında” Azərbaycan Respublikası Qanununun 30-cu mad­dəsinə uyğun olaraq Azərbaycan Respublikasının Nazirlər Kabineti tərəfindən müəyyən edilmiş qaydada” sözləri ilə əvəz edilsin.

2. Azərbaycan Respublikası Nazirlər Ka­binetinin 2018-ci il 16 may tarixli 220 nömrəli Qərarı (Azərbaycan Respublikasının Qanunveri­cilik Toplusu (Cild I) ilə təsdiq edilmiş 1 nömrəli əlavə - “Azərbaycan Qida Təhlükəsizliyi İnstitutu publik hüquqi şəxsin Nizamnaməsi”ndə aşağıdakı dəyişikliklər edilsin:

2.1. 1.1-ci bənddə “qida məhsullarına dair digər beynəlxalq standartların qida məhsulları­nın” sözləri “qida və yem məhsullarına dair digər beynəlxalq standartların onların” sözləri ilə, “qida məhsullarının təhlükəsizliyi” sözləri “qida və yem məhsullarının, habelə qida məhsulları ilə təmasda olan material və məmulatların təhlükəsizliyi və qida məhsullarının minimum keyfiyyət” sözləri ilə əvəz edilsin;

2.2. 2.1-ci bəndə “insanların” sözündən sonra “, həmçinin heyvanların” sözləri əlavə edilsin;

2.3. 2.2.4-cü yarımbənddə “sanitariya norma və qaydalarının, habelə gigiyena normativlərinin” sözləri “sanitariya-gigiyena, baytarlıq, fitosanitar norma və qaydalarının” sözləri ilə əvəz edilsin;

2.4. 2.2.6-cı yarımbənddə “qida məhsullarının təhlükəsizlik və” sözləri “qida və yem məhsulla­rının, habelə qida məhsulları ilə təmasda olan ma­terial və məmulatların təhlükəsizliyi və qida məh­sullarının” sözləri ilə əvəz edilsin;

2.5. 3.1.4-cü yarımbənddə “qida məhsulları­nın təhlükəsizliyinə” sözləri “qida və yem məh­sullarının, habelə qida məhsulları ilə təmasda olan material və məmulatların təhlükəsizliyinə” sözləri ilə, “sanitariya norma və qaydalarını, habelə gigi­yena normativlərini” sözləri “sanitariya-gigiyena, baytarlıq, fitosanitar norma və qaydalarını” sözlə­ri ilə əvəz edilsin;

2.6. 3.1.6-cı yarımbəndə “insanların” sözün­dən sonra “, həmçinin heyvanların” sözləri əlavə edilsin;

2.7. aşağıdakı məzmunda 3.1.6-1-ci yarım­bənd əlavə edilsin:

“3.1.6-1. qida məhsullarının zənginləşdiril­məsi (fortifikasiya olunması) haqqında qərarın verilməsi üçün Agentliyə elmi əsaslandırılmış təklifləri verir;”;

2.8. 3.1.9-cü yarımbənddən “insanlar üçün qida mənbəyi olan”, “insan üçün qida mənbəyi olan” sözləri çıxarılsın və həmin yarımbənddə “yem və yem əlavələrinə” sözləri “yem məhsul­larına” sözləri ilə əvəz edilsin;

2.9. 3.1.11-ci yarımbənddən “məhsullarının” sözü çıxarılsın;

2.10. 3.1.15-ci yarımbənddə “milli istinad” sözləri “laboratoriyalararası müqayisəli və səriş­təlilik sınaqlarının təşkili və sınaq metodlarının tətbiqi ilə bağlı əlaqələndirmənin təmin edilməsi məqsədilə istinad (referens)” sözləri ilə əvəz edil­sin;

2.11. 3.1.17-ci yarımbənddə “göstəriciləri üzrə” sözləri “sahəsində” sözü ilə əvəz edilsin. 

3. “Ticarət və ictimai iaşə sahəsində ərzaq məhsullarının təbii itki Normaları”nın təsdiq edil­məsi barədə” Azərbaycan Respublikası Nazirlər Kabinetinin 2018-ci il 17 iyul tarixli 307 nömrəli Qərarında (Azərbaycan Respublikasının Qanun­vericilik Toplusu (Cild I) aşağıdakı dəyişikliklər edilsin:

3.1. adında və mətnində “ərzaq” sözü “qida” sözü ilə əvəz edilsin;

3.2. həmin Qərarla təsdiq edilmiş “Ticarət və ictimai iaşə sahəsində ərzaq məhsullarının təbii itki Normaları”nın adında “ərzaq” sözü “qida” sözü ilə, 52-ci hissənin adında və cədvəlində “ye­yinti” sözü “qida” sözü ilə əvəz edilsin.

4. “Azərbaycan Respublikasının vahid büdcə təsnifatının təsdiq edilməsi barədə” Azərbaycan Respublikası Nazirlər Kabinetinin 2018-ci il 11 oktyabr tarixli 440 nömrəli Qərarında (Azər­baycan Respublikasının Qanunvericilik Toplusu (Cild I) aşağıdakı dəyişikliklər edilsin:

4.1. həmin Qərarla təsdiq edilmiş “Azərbay­can Respublikasının büdcə gəlirlərinin təsnifatı” üzrə:

4.1.1. 1.1.4.5.1.2-ci və 1.1.4.5.2.2-ci yarım­bəndlərdə “etil (yeyinti)” sözləri “etil (qida)” söz­ləri ilə əvəz edilsin;

4.1.2. 1.4.2.2.5.2-ci yarımbənddə “Qida təh­lükəsizliyi sertifikatının verilməsinə görə” sözləri “İdxal olunmuş qida və yem məhsullarına, habelə qida məhsulları ilə təmasda olan material və mə­mulatlara verilən idxal sağlamlıq aktının və ya ixrac olunan qida və yem məhsullarına sağlamlıq sertifikatının verilməsinə görə” sözləri ilə əvəz edilsin;

4.1.3. 1.4.2.2.5.4-cü yarımbənddə “Qida məh­sulları sahəsində fəaliyyət göstərən subyektlərin qida təhlükəsizliyi qeydiyyatına alınmasına” söz­ləri “Qida zənciri obyektinin (subyektinin) təsdiq olunmasına” sözləri ilə əvəz edilsin;

4.2. “Azərbaycan Respublikasının büdcə gə­lirlərinin təsnifatına əlavə”nin 1.4.4-cü yarımbən­dində “ərzaq” sözü “qida” sözü ilə əvəz edilsin;

4.3. “Azərbaycan Respublikasının büdcə xərclərinin funksional təsnifatına əlavə” üzrə:

4.3.1. 6.9.0-cı yarımbəndin dördüncü abza­sında və 11.2.2-ci yarımbəndin ikinci abzasında “ərzaq” sözü “qida” sözü ilə əvəz edilsin;

4.3.2. 6.9.0-cı yarımbəndin beşinci abzasında “ərzağın” sözü “qidanın” sözü ilə əvəz edilsin;

4.3.3. 11.9.9-cu yarımbəndin altıncı abza­sında “qida məhsullarının və onları qablaşdırma materiallarının dövlət qeydiyyatına alınmasını, xarici ölkələrə ixrac edilən qida məhsullarına qida təhlükəsizliyi sertifikatının” sözləri “qida zənciri obyektinin (subyektinin) qeydiyyata alınmasını və ya təsdiq olunmasını, habelə qida məhsulları ilə təmasda olan material və məmulatların isteh­salı və emalını həyata keçirən obyektlərin qeydiy­yata alınmasını, idxal olunmuş qida və yem məh­sullarına, habelə qida məhsulları ilə təmasda olan material və məmulatlara verilən idxal sağlamlıq aktının və ya ixrac olunan qida və yem məhsul­larına sağlamlıq sertifikatının” sözləri ilə, “qida məhsullarının istehsalı, tədarükü, qablaşdırılması, saxlanması, daşınması, dövriyyəsi (o cümlədən idxal-ixrac əməliyyatları)” sözləri “qida və yem məhsullarının ilkin istehsalı, istehsalı, emalı, döv­riyyəsi” sözləri ilə və “qida məhsulları istehlakçı­larının” sözləri “qida və yem məhsullarının isteh­lakçılarının” sözləri ilə əvəz edilsin;

4.4. “Azərbaycan Respublikasının büdcə xərclərinin iqtisadi təsnifatı”nın 221600-cı mad­dəsində “Ərzaq” sözü “Qida” sözü ilə əvəz edil­sin;

4.5. “Azərbaycan Respublikasının büdcə xərclərinin iqtisadi təsnifatına əlavə”nin “221000. “Malların satınalınması” paraqrafında “Ərzaq” sözü “Qida” sözü ilə, “221600. “Ərzaq məhsul­larının alınması və təminatı” paraqrafının adında “Ərzaq” sözü “Qida” sözü ilə və hər iki halda “ər­zaq məhsullarının” sözləri “qida məhsullarının” sözləri ilə əvəz edilsin. 

5. “Peşə təhsili müəssisələrinin ayrı-ayrı peşə istiqamətləri üzrə tədris qruplarında orta sıxlığın müəyyən edilməsi haqqında” Azərbaycan Res­publikası Nazirlər Kabinetinin 2019-cu il 11 mart tarixli 86 nömrəli Qərarının (Azərbaycan Respub­likasının Qanunvericilik Toplusu (Cild I) 1.3-cü bəndində “ərzaq mallarının” sözləri “qida məh­sullarının” sözləri ilə əvəz edilsin.

6. “Azərbaycan Respublikasının ərazisin­də dövlət vəsaitləri hesabına maliyyələşdirilən tikinti obyektləri üçün yeni smeta-normativ və qiymətqoyma sisteminin və onun əsasında qiy­mətqoymanın resurs metodunun tətbiq olunması ilə əlaqədar bəzi normativ hüquqi aktların təsdiq edilməsi haqqında” Azərbaycan Respublikası Na­zirlər Kabinetinin 2021-ci il 25 may tarixli 150 nömrəli Qərarında (Azərbaycan Respublikasının Qanunvericilik Toplusu (Cild I) aşağıdakı dəyi­şikliklər edilsin:

6.1. həmin Qərarla təsdiq edilmiş 7 nömrəli əlavə – “Müvəqqəti bina və qurğuların tikintisi üzrə sərflərin smeta normaları toplusu”na 1 nöm­rəli əlavə “Titul müvəqqəti bina və qurğuların tikintisi üzrə xərclərin smeta normaları”nın 1.13-cü bəndində “Yeyinti” sözü “Qida” sözü ilə əvəz edilsin;

6.2. həmin Qərarla təsdiq edilmiş 8 nömrəli əlavə - “Tikinti-quraşdırma işlərinin qış vaxtında yerinə yetirilməsi ilə əlaqədar olan əlavə xərclərin smeta normaları toplusu”nun 1 nömrəli cədvəli­nin 1.22-ci bəndində “Yeyinti” sözü “Qida” sözü ilə əvəz edilsin.

Əli ƏSƏDOV,
Azərbaycan Respublikasının Baş naziri