Azərbaycan Respublikası Nazirlər Kabinetinin Qərarı
№ 104 Bakı şəhəri, 12 aprel 2023-cü il
Azərbaycan Respublikası Nazirlər Kabinetinin 2020-ci il 6 may tarixli 165 nömrəli Qərarı ilə təsdiq edilmiş “Verildiyi, dayandırıldığı, bərpa və ya ləğv edildiyi barədə Azərbaycan Respublikasının Dövlət Gömrük Komitəsinə məlumat göndərilməli olan lisenziyaların və icazələrin Siyahısı”nda dəyişiklik edilməsi haqqında
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:
Azərbaycan Respublikası Nazirlər Kabinetinin 2020-ci il 6 may tarixli 165 nömrəli Qərarı (Azərbaycan Respublikasının Qanunvericilik Toplusu, 2020, № 5, maddə 636) ilə təsdiq edilmiş “Verildiyi, dayandırıldığı, bərpa və ya ləğv edildiyi barədə Azərbaycan Respublikasının Dövlət Gömrük Komitəsinə məlumat göndərilməli olan lisenziyaların və icazələrin Siyahısı”nın 1.1-1.3-cü bəndləri müvafiq olaraq 1.2-1.4-cü bəndlər hesab edilsin və həmin Siyahıya aşağıdakı məzmunda 1.1-ci bənd əlavə edilsin:
“1.1. toksiki istehsalat tullantılarının utilizasiyası;”.
Əli ƏSƏDOV, Azərbaycan Respublikasının Baş naziri