Türkiyə mətbuatı Azərbaycan-Türkiyə münasibətlərindən həmişə yazıb, Azərbaycanda baş verənlərin cəmiyyətə və dünyaya çatdırılmasına xüsusi fəallıq göstərib. Bu tarixən belə olub və Azərbaycanın haqq səsinin yayılmasında, istər keçən əsrin 90-cı illərində də, istərsə də 2-ci Qarabağ zəfəri dövründə də, bu gün də belədir.
Bu barədə Türkiyənin məşhur qəzetlərindən, 30 ildən çox Egey bölgəsinin və İzmirin səsi olan “Gözləm” qəzetinin imtiyaz sahibi Çətin Gürər müxbirimizə bildirib.
O, qeyd edib ki, Azərbaycan jurnalistləri ilə birbaşa əlaqələrimiz olmasa da informasiya agentliklərindən aldığımız informasiyaların davamlı və operativ olaraq qəzetimizdə yerləşdirilməsinə çalışmışıq. Vacib bir qeydimi də çatdırım ki, qəzetimizin əski dostlarından olan Mərmərə Qrupu Strateji və Sosial Araşdırmalar Mərkəzinin baş direktoru, professor Akkan Suverin Azərbaycanla bağlı yazılarının qəzetimizdə dərc edilməsi ənənə halını alıb. Bu il fevralın əvvəllərində “Gözləm”ci dostumuz Akkan Suverə Azərbaycan prezidentinin təltif etdiyi “Heydər Əliyev -100” medalının Azərbaycanın Türkiyədəki səfirliyində dövlət təmsilçilərinin, Türkiyə millət vəkillərinin və siyasətçilərin də iştirakı ilə təqdim edilməsi mərasimi bizim kollektiv üçün də xoş bir hadisə oldu. Qəzetimizdə bu barədə dərc edilən xəbərdə səfir Rəşad Məmmədov Akkan Suver haqqında söylədiklərini xatırlatmağa dəyər: Ulu öndərimiz Heydər Əliyevin yaxın dostu olan, onunla uzun illər çıx əlaqələr quran Mərmərə Qrupu Strateji və Sosial Araşdırmalar Mərkəzinin baş direktoru, professor Akkan Suver son illərdəki çalışmalarıya, Azərbaycan-Türkiyə işgüzar dairələrinin təşkil etdiyi çoxsaylı mərasimlər və tədbirlərdəki fəaliyyəti ilə “Bir millət-iki dövlət” olan Azərbaycan-Türkiyə əlaqələrinin inkişafına dəyərli töhfələr verib. Türkiyənin ilk və tək basın kartlı jurnalist-diplomatı tituluna sahib olan professor həm də qəzetimizin müəlliflərindəndir, bu gün də qəzetimizə məqalələr yazır. Xüsusən də Azərbaycanda baş verən içtimai-siyası hadisələri haqqında yazıları böyük maraq doğurur. Çox böyük hadisədir ki, Azərbaycan özünün müstəqil siyasəti və geniş iqtisadi imkanları ilə qardaş Türkiyənin iqtisadiyyatının çiçəklənməsi üçün də böyük sərmayədara çevrilmişdir.
Redaksiya heyətinin üzvüləri ilə görüşümdə də Azərbaycana olan böyük marağın yaxından şahidi oldum. Azərbaycan-Türkiyə əlaqələrinin tarixi və bu günü ilə bağlı çoxsaylı sualları cavablandırmaq və bir azərbaycanlı jurnalistin bu barədə fikirlərini öyrənmək maraqlı olduğu qədər də qürurverici idi. Tarixi qardaşlıq münasibətlərindən qaynaqlanan bu münasibətlər isə birliyimizin və strateji əməkdaşlığıməzın ən yeni səfələri olmaqla böyük Turan biliyinin o qədər də uzaqda olamayan üfüqlərinin göstərir.
Səmimi söhbətdən sonra “Gözləm” qəzetinin bu barədə təqdim edtdiyi “Azərbaycan Türkiyə ilə əlaqələrə böyük önəm verir” adlı məqalədə də bildirilir və qeyd olunur ki, Türkiyə ilə olan iş birliyinə və ortaq yatırım ruhuna Azərbaycanda da böyük önəm verilir, iki ölkə arasındakı ticarət və mədəni əlaqələrin çox müsbət bir səviyyədə olduğu və daha da gücləndirilməsi üçün hər iki tərəfin də yüksək performansla çalışmalarına davam etdiyini bildirilir. Qarabağın yenidən qurulmasında Türk şirkətlərinin aktiv rol oynadığını və əhəmiyyətli layihələrə imza atdıqları da vurğulanır.
“Gözləm” qəzeti redaksiya heyətinin rəhbəri Çətin Gürər və heyət üzvüləri ilə görüşüm bir daha təsdiq etdi ki, Azərbaycan və Türkiyə arasında media sahəsində strateji əməkdaşlıq haqqında Anlaşma Memorandumu media orqanlarının fəaliyyətini canlandıracaq, media nümayəndələrinin, həmçinin sahə ilə əlaqədar aidiyyəti qurumların daha sıx və peşəkar münasibətlərinin qurulmasına böyük imkanlar yaradacaq.
XQ
