AMEA-nın Mərkəzi Elmi Kitabxanası tərəfindən ərsəyə gələn “Məhəmməd Əmin Rəsulzadə və müstəqil Azərbaycan” adlı metodik vəsait çapdan çıxıb. Kitab Azərbaycanın görkəmli dövlət və ictimai xadimi, publisist, naşir, ədəbiyyatşünas, Azərbaycan Xalq Cümhuriyyətinin banilərindən olan Məhəmməd Əmin Rəsulzadənin 140 illiyinə həsr edilib.
M.Ə.Rəsulzadənin publisistikası, məzmunlu ədəbi-bədii əsərlərinin təbliği məqsədilə hazırlanmış metodiki vəsaitdən kitabxanaçılar, həmçinin onun yaradıcılığı ilə maraqlanan tələbələr, doktorantlar və digər oxucular istifadə edə bilərlər.
Çoxsaylı kitablara və məqalələrə əsaslanmaqla hazırlanmış vəsaitin elmi məsləhətçisi AMEA-nın prezidenti, akademik İsa Həbibbəyli, elmi redaktoru MEK-in direktoru Hüseyn Hüseynov, tərtibçiləri MEK-in direktor müavini Şəhla Quliyeva, dosent Knyaz Aslan, ixtisas redaktoru isə biblioqrafiya şöbəsinin əməkdaşı Rəna Cavadovadır.
XQ
