Avrasiya Teatrlar Birliyi, Portuqaliya Mədəniyyət Nazirliyi, CTB (Braqa Teatr Şirkəti) və Braqa Şəhər Bələdiyyəsinin birgə keçirdiyi III Beynəlxalq Teatr festivalında 8 ölkədən teatr kollektivləri iştirak edib.

Festivalda ölkəmizi Azərbaycan Res­publikasının Mədəniyyət Nazirliyi və Gəncə Şəhər İcra Hakimiyyətinin dəstəyi ilə Gəncə Dövlət Milli Dram Teatrı təmsil edib. Bu festivalın təşkilatçısı olan rejissor qrupunun teatr düşüncəsi Brext teatrına yaxındır və onlar daha çox bu tip tama­şaları festivala dəvət edirlər. Gəncə teat­rının ədəbi hissə müdiri, teatrşünas-tənqi­dçi Anar Ərtoğrul Burcəliyevin bu barədə “XQ-yə verdiyi məlumatda bildirilir ki, yaradıcı kollektiv rejissor Tural Vaqifoğ­lunun quruluşunda Ejen İoneskonun “Kral ölür” tamaşasını Maia və Braqa şəhərlərin­də uğurla nümayiş etdirib.

Münsiflər heyətinin qərarına əsasən Gəncə teatrı “Ən yaxşı tamaşa geyimi” no­minasiyasında qalib elan edilib və festiva­lın Qran-pri mükafatına layiq görülüb. Ta­maşada obrazları Əməkdar artistlər Elxan Yunis, İlham Hüseynov, Sevda Orucova, Kəmalə Məmmədova, aktyorlar Güntəkin Mehdiyeva və Ruslan Hüseynov canlandı­rıblar.

Müsahibimiz onu da dedi ki, dünya teatrının vəziyyətini, inkişaf proseslərini öyrənmək baxımından da bu kimi festival­ların rolu böyükdür.

XQ