Dağlar diyarı Yardımlının Mərkəzi Rayon Kitabxanasında gender problemləri üzrə mütəxəssis Samirə Şaqavatovanın “Gender bərabərliyi: Bərabər addımlar – uğurlu nəticələr” adlı elmi-tədqiqat kitabının təqdimatı keçirilib. 

AYB-də multikultural məsələlər üzrə məsul şəxs, şair Xatirə Fərəcli ucqar böl­gələrdə gender probleminin aktuallığını qeyd edib, bu sahəyə cəmiyyətin diqqətinin yönəlməsinin vacibliyini vur­ğulayıb. 

Sonra kitabın müəllifi – AMEA-nın doktorantı, “Elm, Texnologiya və İnnovasiyala­rın İnkişafına Dəstək” İctimai Birliyinin sədri Samirə Şaqa­vatova gender məsələləri ilə bağlı cəmiyyətdə yaranan stereotiplər haqqında geniş məlumat verib. O, bildirib ki, cəmiyyətdə və ailədə cinslə­rin hüquq bərabərliyi, qadın–kişi münasibətləri müxtəlif quruluşlarda fərqli baxışlarda nəzərdən keçirilib. Qadınla kişinin bərabər hüquqları istər sosial, istər cinsi, istərsə də mənəvi aspektlərdə qarşılıqlı münasibətlərin ən çox mü­zakirə olunduğu mübahisə­li məsələlərdəndir. Kitabda məsələyə özəl müəllif yanaş­ması təqdim olunub və ana­loji müşküllərdən çıxış yolları göstərilib.

Görüşdə Azərbaycan Milli Elmlər Akademiyasında baş məsləhətçi Vəfa Saleh, ra­yon ziyalılarından Heybət Qə­dirov, Güloğlan İmanov, Fikrət Şahbazlı, Sakit İlkin, Ülvi Ay­dın, Şərqiyyə Masıyeva və başqaları yeni kitabın sosial əhəmiyyəti ilə bağlı fikirlərini bildirib, araşdırma əsərinin ölkədə gender bərabərliyinin təbliğinə töhfə olduğunu vur­ğulayıblar. 

XQ