Bu, mənim Azərbaycana ikinci səfərimdir. Bu səfərimdə ötəndəfəkindən daha çox dəyişikliklərin şahidi oldum.
Bu sözləri AZƏRTAC-a müsahibəsində Laçın şəhərində səfərdə olan Norveçin beynəlxalq səyahətçilərdən ibarət “Vagaclub”unun üzvü Kristian Lindqran deyib.
O qeyd edib ki, Laçının təbiəti, tarixi heyrətamizdir. Burada gələcəkdə dağ alpinizminin inkişafı üçün əlverişli şərait var.
“Füzulidə, Ağdamda, Şuşada müharibə zamanı baş verən dağıntıları görmək bizi çox məyus etdi. Lakin burada aparılan bərpa və yenidənqurma işləri təqdirəlayiqdir. İnanırıq ki, bir neçə ildən sonra burada çox şey dəyişəcək”, - deyə səyyah əlavə edib.