Britanioyalı dinşünas, filosof və publisist Karen Armstronq bu kitabı 30 il əvvəkl yazıb. İndi artıq Azərbay­can oxucusu da bu əsəri oxumaq im­kanı əldə edib. 

Kitab ilkin dövr Tanrılarından başla­yaraq, hər cür inancla bağlı Allah məfhu­munu əhatə edir. Müqəddəs mətnlərdə­ki, mifoloji kitablardakı ifadələrdən, fərqli dini məlumatlardan, elm adamlarının, filosofların, hətta saxta peyğəmbər və təriqət başçılarının yazılarından gətirilən misallarla insan ruhundakı Tanrı həqiqə­tinin 4000 il ərzində neçə mərhələdən keçdiyi obyektiv şəkildə göstərilir. Müəl­lif, eyni zamanda, din mövzusunun han­sı mərhələlərdən keçərək indiki şəklə gəldiyini də ətraflı izah edir.

Əsərin çatdırmaq istədiyi məlu­matlara yetişmək üçün yüzlərlə mən­bədən xəbərdar olmaq tələb edilə bilərdi. Burada isə Karen Armstronq klassik fəlsəfə və orta əsr mistizmindən müasir skeptizm dövrünə qədər olan mərhələni təsvir edən təkallahlı dinin tarixini ardıcıllıqla nəzərdən keçirir, yə­hudilik, xristianlıq və İslam ənənəsini mərhələ-mərhələ araşdırır, müqəddəs kitablardan sitatlar gətirərək, topladığı bütün məlumat və araşdırmaları bir ki­tabda cəmləşdirib təqdim edir. 

Ə.DOSTƏLİ
XQ