Şuşa Dövlət Musiqili Dram Teatrı Laçın şəhərində sakinlərin qonağı olub. Yaradıcı kollektiv Laçın şəhərində tədbir və toplantılar üçün qurulmuş ça-dırda sakinlər qarşısında “Lənkəran xanının vəziri” komediyasını nümayiş etdirib. 

Teatrın direktoru, Əməkdar artist Ya­digar Muradov çıxışında Laçının işğaldan öncəki gözəl günlərini, bu məkanla bağlı xatirələrindən kövrək anları yada salıb. Tamaşada baş rollardan birinin ifaçısı, əslən laçınlı Mətanət Eres Şuşa ilə Laçın arasındakı 32 kilometrlik məsafənin ta­rixin və taleyin hökmü ilə 31 ilə qət edildi­yini söyləyib, bu günləri yaxınlaşdıran hər kəsə təşəkkürünü bildirib. 

Şuşalı sənətçilərin ifasında səhnə əsəri maraqla qarşılanıb, M.F.Axundzadə­nin məşhur komediyasının qəhrəmanları tamaşaçıları xeyli güldürüblər. Bakı Abad­lıq Xidmətinin nümayəndəsi Lalə Əliyeva müasir şəhər kimi dirçəldilən Laçının qısa müddətdə Qarabağın sənət, elm, yaradı­cılıq mərkəzlərindən birinə çevriləcəyini inamını ifadə edib. O, doğma yurda qa­yıdanların, xüsusilə də balaca sakinlərin asudə vaxtının, mədəni istirahətinin təş­kili üçün Bakı Abadlıq Xidmətinin burada müxtəlif layihələr həyata keçirmək niyyə­tində olduğunu deyib. 

Qeyd edək ki, Laçın sakinlərinin doğ­ma şəhərə qayıdışının başlandığı mayın 28-dən etibarən burada Qurban bayramı münasibətilə konsert, “Laçın” müstəqil te­atr studiyasının “Arzular bağı” tamaşası, uşaqlar üçün dərnəklərdə əyləncələr də təşkil edilib. Yaxın zamanda Laçında ölkə teatrlarının rejissor və aktyor heyətinin qa­tılacağı “yay məktəbi”nin də təşkili nəzər­də tutulur.

“Xalq qəzeti”