Vaqif Poeziya Günləri çərçivəsində Şuşada Əməkdar artist Vüqar Camalzadənin Ədvar sistemi üzrə bəstələdiyi 8 musiqinin Qədim Musiqi Alətləri Ansamblının ifasında təqdimatı maraqla qarşılanıb.

Şərq musiqisində “sistemçilik” adı ilə məşhur məktəbin banisi olan Səfiəddin Urməvinin yaradıcılıq nailiyyətlərindən biri də Ədvardır. Bu vasitə ilə Azərbay­can, eləcə də bütün Şərq musiqisinin əsasını təşkil edən səs kompleksləri sis­temi qaydaya salınır.

Konsertdə Xalq artistləri Nəzakət Teymurova, Teyyub Aslanov, Əməkdar artist Fərqanə Qasımova, xanəndələr Rövşən Məmmədov, Hüseyn Məlikov, Ay­sel İbrahimova və digərləri Molla Pənah Vaqifin qəzəllərini, eləcə də Nizami Gən­cəvi, Xəqani Şirvani, İmadəddin Nəsimi, Məhəmməd Füzuli, Mir Həmzə Nigari, Mir Möhsüm Nəvvab, Şah İsmayıl Xəta­inin ölməz əsərlərindən parçalar səslən­diriblər. Hər ifadan əvvəl isə qiraətçilər qəzəllərdən parçalar təqdim ediblər.

İncəsənət ustalarının bir-birindən maraqlı ifaları izləyicilərin zövqünü ox­şayıb. 

“Xalq qəzeti”