Mingəçevir Dövlət Dram Teatrının yaradıcı heyəti Bakıda qastrol səfərində olub.
“Aktyor Evi”ndə yazıçı-dramaturq Əli Əmirlinin “Varlı qadın” pyesi əsasında hazırlanan eyniadlı tamaşa nümayiş etdirilib.
“Varlı qadın” pyesi Tacikistanda V.Mayakovski adına Dövlət Rus Dram Teatrında və Vohidov adına Tacikstan Dövlət Gənclər Teatrında tamaşaya hazırlanmışdır. Vohidov teatrının tacik dilində hazırlanmış tamaşası Almaatıda keçirilmiş Yaxın Şərq ölkələrinin ll Beynəlxalq Teatr festivalında iki nominasiya üzrə mükafata və qızıl medala layiq görülmüşdür. Elə həmin festivalda digər teatrların diqqətini cəlb edən “Varlı qadın” Qırğızıstanın paytaxtında A.Umuraliyev adına Bişkek Şəhər Dram Teatrında rus və qırğız dillərində tamaşaya qoyulmuşdur.
Rəngarəng tərtibatlı və geyimli, cəlbedici rejissor işi, baxımlı aktyor oyunu ilə seçilən səhnə əsəri auditoriya tərəfindən böyük rəğbətlə qarşılanıb.
Tamaşanın rejissoru Xalq artisti Valeh Kərimovdur.
“Xalq qəzeti”
