Masallıdakı Heydər Əliyev Mərkəzində tanınmış yazıçı-publisist Nurəddin Ədiloğlunun anadan olmasının 65 illiyi qeyd olunub.
Rayon rəsmiləri, elm, mədəniyyət xadimləri, ictimaiyyət və media nümayəndələrinin iştirak etdikləri tədbiri Azərbaycan Yazıçılar Birliyinin üzvü, şair Ağacəfər Həsənli açıb. Yubilyarın həyat və yaradıcılığından bəhs edən videoçarx izlənilib.
Masallı Rayon İcra Hakimiyyətinin başçısı Araz Əhmədov yubilyarı təbrik edib, yaradıcılığında yeni uğurlar arzulayıb. Azərbaycan Yazıçılar Birliyi Lənkəran bölməsinin sədri Qafar Cəfərli, Lənkəran Dövlət Universitetinin professoru Yədulla Ağazadə, yazıçının qələm dostları onun çoxşaxəli yaradıcılığından danışıblar.
Sonda Nurəddin Ədiloğlu tədbirin təşkilatçılarına və iştirakçılarına minnətdarlığını bildirib.
Ə. DOSTƏLİ, “Xalq qəzeti”
