Azərbaycan Dövlət Gənc Tamaşaçılar Teatrında fransız dramaturqu Jan Koktonun “Biganə yaraşıqlı” pyesi əsasında hazırlanan “Biganə məşuq” adlı tamaşanın premyerası olub. 

Yeni yaradılmış “ArtStudiya”da ha­zırlanmış səhnə əsərində ümumbəşəri duyğular fonunda qadın–kişi münasi­bətlərindən bəhs olunur. Tamaşanın quruluşçu rejissoru, səhnə və musiqi tərtibatçısı Aydan Həsənzadədir. Əsas rolları Aydan Həsənzadə, Məmmədağa Əlili Canzadə ifa edirlər. 

Bir hissəli səhnə əsərində fransız müğənnisi Edit Piafın ağır həyatı, xəstə­lik həddinə çatan sevgisi təsvir edilib. Əsərdi Lyüsi adlı müğənni sevdiyi adamı fədakarcasına yanında saxlamağa, onu qorumağa çalışır. Ancaq Lyüsinin sevgi­sinə qarşı laqeyd olan Emil üçün mad­diyyat, pul daha önəmlidir. 

Bir tərəfdən çox böyük ehtirasla sevən qadın, o biri tərəfdən biganə mə­şuq. Bu ciddi kontrastın arasında baş verən ziddiyyətli hadisələr bir daha sü­but edir ki, hər hansı bir münasibətdə sədaqət və vicdan hissi çox önəmlidir. Əks qütblərdə dayanan bu iki insanın taleyinin necə olması tamaşada öz ək­sini tapıb. 

Ə. DOSTƏLİ, “Xalq qəzeti”