Mayın 19-dan Bakıda “Rusiya Film Festivalı” brendi ilə kino günləri keçirilir. Paytaxtımızdakı Rus Evindən verilən məlumata görə, “Roskino” tərəfindən təşkil olunan üçgünlük festival “CinemaPlus Azerbaijan Cinema” kinoteatrında keçirilir.
“Rusiya Film Festivalı” Azərbaycanda artıq üçüncü dəfədir ki, təşkil edilir. 2021-ci ildə festival onlayn, ötən il isə hibrid formatda – onlayn və oflayn keçirilib. Festival çərçivəsində beş film pulsuz nümayiş olunur. Tamaşaçılar fantastika janrında olan “Qırmızı papaq” adlı ailə filmini, “Dalğalar” kinodramını, “Libereya: xəzinə ovçuları” macəra hekayəsini, həmçinin Rusiya prokatında uğur qazanan “Qar kraliçası: donun əriməsi” və “Gəlin qaçıran. Kaşşey” cizgi filmlərini seyr etmək imkanı qazanıblar.
Festivalın son günündə nümayiş olunacaq “Dalğalar” filminin prodüseri Bakıda anadan olmuş Səbinə Yeremeyevadır. O, Avropa Kino Akademiyasının üzvüdür. Film həyatda yeni mənanın axtarışından bəhs edir.
“Xalq qəzeti”
.jpg)
