• Artıq çəkili insanlar ən çox Sakit okeandakı Nauruda yaşayır. Bu ölkə əhalisinin təxminən 95 faizi artıq çəkidən əziyyət çəkir.
• Dünyadakı bütün göllərin 60 faizi Kanadada yerləşir. Onların sayı 3 milyondan çoxdur və ölkə ərazisinin 9 faizini təşkil edir. Kanada həm də ali təhsilli insanların ümumi əhaliyə nisbətinə görə dünyanın ən savadlı ölkəsidir.
• Liviya dünyanın ən quraq ölkəsidir, ərazisinin 99 faizi səhradır.
• Ən az meşə Haitidədir. Demək olar ki, burada bütün ağaclar kəsilib.
• Dünyanın ən parçalanmış ölkəsi Somalidir. Onun ərazisində onlarla tanınmamış dövlət var.
• Papua–Yeni Qvineyada çoxlu xalq yaşayır. Onlar 820-dən çox dildə danışırlar. Bu, dünyadakı bütün dillərin 12 faizindən çoxdur.
• Dünyanın ən təmiz ölkəsi İslandiyadır. O həm də ən dinc və ən mehriban ölkədir. Buna əmin olmaq üçün heç olmasa bir dəfə buranı ziyarət etmək kifayətdir.
* Turistlər arasında aparılan sorğuya görə əcnəbilər üçün ən xoşagəlməz ölkə isə Boliviyadır. Bu siyahıda ikinci və üçüncü yerləri Venesuela və Rusiya tutur.
P. ƏFƏNDİ, “Xalq qəzeti”
