“Nokia” şirkəti öz məhsullarının təkmilləşdirilməsi istiqamətində uğurlu addımlar atır. Növbəti yenilik isə “Nokia 130 Music” smartfonudur.
Smartfonun korpus hissəsində kamera əvəzinə, nəhəng dinamik yerləşdirilib. Bu isə telefonun əsas fərqliliyidir. Bu dinamik cihazın arxasındakı kameranın yerində yerləşir. Eyni zamanda, siz “Nokia 130 Music”-i əlinizdə tutaraq və ondan dinamik kimi istifadə edərək mahnıları dinləyə bilərsiniz.
Dinamikdən əlavə, cihazda fənər və micro SD yaddaş kartları üçün slot da var. Qadcetin yaddaşının bütün musiqi kitabxanasını saxlamaq üçün 32 GB-a qədər yaddaşı var. Smartfon simli və simsiz FM radionu dəstəkləyir, Micro USB 1.1 portu və qulaqlıqlar üçün standart 3,5 mm audio yuvası qoyulub.
Telefonun akkumulyatorunun tutumu 1450 milliamper/saatdır. İstehsalçı telefonun gözləmə rejimində 30 gün, fasiləsiz söhbət zamanı isə 20 saat işləyəcəyini bildirib.
Mahmud QƏRİBOV, “Xalq qəzeti”
