Bütün elmi kəşflər uzun təcrübələrdən və yorucu düşüncələrdən sonra əldə edilməyib. Bəzən tədqiqatçılar fərqli, gözlənilməz nəticələr qazanıblar.
Məsələn, 1669-cu ildə Hamburq kimyagəri Hennig Brand fəlsəfə daşının axtarışı zamanı ağ fosfor kəşf edib. Mikrodalğalı soba da təsadüfün nəticəsidir. “Raytheon Corporation”un mühəndisi Persi Spenser 1945-ci ildə radar layihəsi üzərində işləyərkən maqnetronu sınaqdan keçirib. Bu zaman cibindəki şokoladın əridiyini müşahidə edib. Beləliklə, Persi Spenser mikrodalğalı radiasiyanın qidaları qızdıra biləcəyini başa düşüb. Elə həmin il “Raytheon Corporation” mikrodalğalı sobanı patentləşdirib.
P.ƏFƏNDİ, “Xalq qəzeti”
