Daşkənd Dövlət Şərqşünaslıq Universitetinin rektoru Gülçöhrə Rixsiyeva Bakı Dövlət Universitetinin prorektoru Əliş Ağamirzəyev və rektorun müşaviri Mirzə Mirzəyevlə görüşüb.
Gülçöhrə Rixsiyeva qarşılıqlı maraq doğuran məsələlərdən danışaraq, görüşün iki ali təhsil müəssisəsi arasında əməkdaşlığın möhkəmlənməsinə təkan verəcəyini diqqətə çatdırıb. Əliş Ağamirzəyev akademik mübadilə imkanlarının inkişafının təmin edilməsi, elmi-tədqiqat işlərinin birgə həyata keçirilməsi kimi məsələlərdən danışıb.
Sonra qonaqlar Daşkənddəki Heydər Əliyev adına Azərbaycan Mədəniyyət Mərkəzinin təşəbbüsü ilə universitetdə yaradılan “Azərbaycanşünaslıq Mərkəzi” ilə tanış olublar.
Qulu KƏNGƏRLİ,
XQ-nin Türküstan üzrə xüsusi müxbiri
Daşkənd
