Dekabrın 22-də “Dini maarifləndirmənin aktual məsələləri: ənənə, təcrübə və perspektivlər” mövzusundakı Azərbaycan Din Xadimlərinin Forumunun iştirakçıları Fəxri xiyabanı ziyarət ediblər.
Dini Qurumlarla İş üzrə Dövlət Komitəsindən XQ-ə bildiriblər ki, müasir müstəqil Azərbaycan dövlətinin memarı və qurucusu, xalqımızın Ümummilli Lideri Heydər Əliyevin məzarı önünə Forum iştirakçıları adından əklil qoyulub, əziz xatirəsi dərin ehtiramla yad edilib.
Ulu Öndər Heydər Əliyevin ömür-gün yoldaşı, görkəmli oftalmoloq-alim, akademik Zərifə xanım Əliyevanın əziz xatirəsi hörmətlə yad edilib, məzarı üzərinə tər çiçəklər düzülüb.
