Dünən Xankəndi şəhərində uzun illərdən sonra ilk dəfə toy mərasimi təşkil olunub. Gənc yazar Fərhad Kərimlinin toy mərasimi Xankəndidəki restoranlardan birində keçirilib.

Kərimlilər ailəsi Şuşada yaşasa da, toyu Xankəndidə etmək qərarına gəlib. Onların ailəsi Şuşada 4 otaqlı mənzillə tə­min olunub.

Bəy, gəlin, onların ailə üzvləri və qo­humları Şuşa şəhərindəki Şəhidlər xiya­banını ziyarət edib, sonra Cıdır düzün­də gəzintiyə çıxıblar. Onlar daha sonra Xankəndi şəhərinin mərkəzini gəzərək toy keçiriləcək restorana yollanıblar. 

Gəlinlə bəy “Qarabağ şikəstəsi” sədası altında şadlıq sarayına daxil olduqdan son­ra Azərbaycanın Dövlət Himni səsləndiri­lib, Vətən uğrunda şəhid olan qəhrəmanla­rımızın xatirəsi anılıb.

Çıxış edənlər hər iki gəncə xeyr-dua veriblər.

Bəyin atası Kərim Kərimli deyib: “Şuşa da, Xankəndi də bizim üçün əzizdir. Pre­zident, Ali Baş Komandan İlham Əliyevin rəhbərliyi, şəhidlərimizin igidliyi, qaziləri­mizin rəşadəti, Azərbaycan xalqının birliyi sayəsində Xankəndini işğaldan azad etdik. Xankəndinin son 35 illik tarixində ilk dəfə olaraq toy edirik. Azərbaycan xalqına hə­mişə toy-bayram arzulayıram”.