Ölkəmizdə səfərdə olan türkiyəli alimlərlə AMEA-nın prezidenti, akademik İsa Həbibbəylinin görüşü olub.

Qardaş ölkənin elmi qurumları ilə ya­radılmış geniş əlaqələrin əhəmiyyətindən danışan akademik İsa Həbibbəyli bütün elm sahələrini əhatə edən bu əməkdaşlığın gündən-günə inkişaf etdiyini vurğulayıb.

Ankara Hacı Bayram Vəli Univer­sitetinin Lisansüstü Təhsil İnstitutunun “Ədəb-ərkan” elmi jurnalının rəhbəri – professor, doktor Əhməd Taşğın çalışdığı universitetdə aparılan elmi tədqiqat is­tiqamətləri barədə ətraflı məlumat verib. Həmçinin rəhbərlik etdiyi elmi jurnalın fəaliyyəti haqqında danışan türkiyəli pro­fessor AMEA-nın elmi nəşrləri ilə qar­şılıqlı əməkdaşlıqda maraqlı olduqlarını diqqətə çatdırıb.

Görüşdə yüksək impakt faktorlu jurnal­ların elmi bazalara inteqrasiya məsələləri də müzakirə olunub, AMEA ilə Türkiyə universitetinin elmi nəşrlər sahəsində əməkdaşlığının genişləndirilməsi barədə razılıq əldə edilib.

“Ədəb-Ərkan” elmi jurnalının əmək­daşı Hakkı Taşğın və Kastamonu Universi­tetinin əməkdaşı, doktor Namiq Musalı da görüşdə iştirak ediblər.

XQ