Sentyabrın 2-də Azərbaycanın Xarici İşlər naziri Ceyhun Bayramov Milli Məclisə növbədənkənar seçkiləri müşahidə etmək üçün ölkəmizdə səfərdə olan Malayziya Senatı sədrinin müavini Nur Cazlan Məhəmmədin rəhbərlik etdiyi nümayəndə heyəti ilə görüşüb. 

Söhbət zamanı Azərbaycan–Malayziya ikitərəfli və çoxtərəfli əlaqələri, Milli Məc­lisə növbədənkənar seçkilər prosesi və nəti­cələri, habelə regional məsələlər müzakirə olunub.

Nazir bu ilin əvvəlində keçirilmiş pre­zident seçkiləri kimi, parlament seçkiləri­nin də azad, ədalətli və şəffaf keçirilməsi üçün ardıcıl, sistemli və intensiv şəkildə atılan addımlar, eləcə də beynəlxalq mü­şahidəçilərin seçkilərdə iştirakı ilə bağlı tədbirlər barədə qarşı tərəfə məlumat verib.

***

Nazir Ceyhun Bayramov ölkəmizdə rəsmi səfərdə olan Serbiya Respublika­sının xarici işlər naziri Marko Curiç ilə də görüşüb.

Təkbətək görüş nümayəndə heyətləri­nin iştirakı ilə geniş tərkibdə davam etdiri­lib, Azərbaycan ilə Serbiya arasında strateji tərəfdaşlıq münasibətlərinin siyasi, iqtisa­di, ticarət, investisiyalar, enerji, nəqliyyat və kommunikasiyalar, humanitar və digər aspektləri, habelə regional, beynəlxalq təh­lükəsizlik məsələləri müzakirə olunub.

Nazir Marko Curiç ölkəmizi Azərbay­canda parlament seçkilərinin şəffaf, azad və demokratik formada təşkili münasibətilə təbriklərini çatdırıb, seçki prosesinin nəti­cələrinin Azərbaycan parlamenti üçün uğur­lu olacağına dair ümidvarlıq ifadə edib. 

***

Dünən nazir Ceyhun Bayramov Azərbaycan Respublikası Milli Məclisi­nin növbədənkənar seçkilərini müşahi­də etmək üçün ölkəmizdə səfərdə olan Müstəqil Dövlətlər Birliyinin Baş kati­binin birinci müavini Leonid Anfimovun başçılıq etdiyi nümayəndə heyəti ilə gö­rüşüb.

Söhbət zamanı Azərbaycan və MDB arasında əməkdaşlıq gündəliyi, habelə seçkilərdən irəli gələn məsələlər müzakirə olunub.

Ceyhun Bayramov Azərbaycan ərazi­sində suverenliyin tam bərpasından sonra sentyabrın 1-də keçirilən ilk parlament seç­kilərinin vacib tarixi-siyasi hadisə olduğu­nu vurğulayaraq seçkilərin azad, ədalətli və şəffaf keçirilməsi üçün görülən tədbirlər, o cümlədən bu prosesdə beynəlxalq müşahi­dəçilərin iştirakı ilə bağlı atılan addımlar barədə məlumat verib.

MDB Baş katibinin birinci müavini Le­onid Anfimov prezident seçkilərində oldu­ğu kimi, bu parlament seçkilərinin də Azər­baycan xalqı üçün mühüm əhəmiyyət kəsb etdiyini, Azərbaycan qanunvericiliyinə və beynəlxalq öhdəliklərə uyğun təşkil olun­muş seçkilərin azad və şəffaf şəkildə keçi­rildiyini bildirib. 

XQ