Avqustun 27-də Azərbaycan Respublikasının Beynəlxalq Münasibətlərin Təhlili Mərkəzi və Özbəkistan Respublikasının Prezidenti yanında Strateji və Regionlararası Araşdırmalar İnstitutunun birgə təşkilatçılığı ilə “Azərbaycan və Özbəkistan: Qarşılıqlı faydalı əməkdaşlığın yeni perspektivləri” mövzusunda hibrid konfrans keçirilib.

Tədbirdə açılış nitqi ilə çıxış edən Strateji və Regionlararası Araşdırmalar İnstitutunun direktor müavini Baxtiyor Mustafayev ikitərəfli münasibətlərin cari vəziyyətinin məmnunluq doğurduğunu və inkişaf perspektivlərinin yüksək olduğunu qeyd edib. 

Beynəlxalq Münasibətlərin Təhlili Mərkəzinin İdarə Heyətinin sədri Fərid Şə­fiyev Prezident İlham Əliyevin Özbəkista­na dövlət səfəri zamanı imzalanan sənəd­lərin, xüsusən də müttəfiqlik münasibətləri haqqında müqavilənin regional və qlobal baxımdan əhəmiyyətini vurğulayıb. 

İkitərəfli sənaye əməkdaşlığının inki­şafının vacibliyinə toxunan Özbəkistanın ölkəmizdəki səfiri Bahrom Aşrafxanov vurğulayıb ki, Azərbaycan Özbəkistan üçün Avropaya, Özbəkistan isə Azərbay­can üçün Asiyaya körpü kimi çıxış edir.

Azərbaycanın Özbəkistandakı səfirli­yinin müşaviri Mahir Cəfərov Prezident İlham Əliyevin dövlət səfərinin ikitərəfli münasibətlərdə tarixi və yeni mərhələ ol­duğunu, nəqliyyat-logistika, bərpaolunan enerji sahələrində əməkdaşlığın ikitərəf­li əlaqələrin dinamikasına mühüm töhfə verəcəyini qeyd edib. 

Konfrans daha sonra panel müza­kirələrlə davam edib. 

Konfransın nəticəsi olaraq Azərbay­can–Özbəkistan Ekspert Şurasının yara­dılmasına dair qərar qəbul edilib.

XQ