Ümummilli lider Heydər Əliyevin birinci dəfə hakimiyyətə gəlişinin 55-ci ildönümü və ölkəmizdə 2024-cü ilin “Yaşıl dünya naminə həmrəylik ili” elan edilməsi ilə əlaqədar Zəngilan rayonunda Hərbi Prokurorluğun və Dövlət Sərhəd Xidmətinin hərbi qulluqçuları şəxsi heyətlə birgə tədbir keçiriblər.
General-mayor Azad Abdullayev, Hərbi prokurorun böyük köməkçiləri Firad Əliyev, Fərəc Sayılov, Qubadlı hərbi prokuroru Elşən Mürsəlov və başqaları çıxış edərək Ulu öndərin misilsiz xidmətlərindən danışıb, bu siyasəti uğurla davam etdirən Prezident İlham Əliyevin rəhbərliyi ilə son 20 ildə həyata keçirilmiş köklü islahatlardan, qazanılmış uğurlardan bəhs ediblər.
Sonra ətraf mühitin mühafizəsi haqqında qanunvericiliyin tələblərindən söz açan tədbir iştirakçıları ətraf mühitin daha da sağlamlaşdırılmasının əhəmiyyətini vurğulayıblar.
Sonda iştirakçılar tərəfindən ağaclar əkilib.
XQ
