İyulun 24-də saat 03:30-da Dövlət Sərhəd Xidmətinin Sərhəd Qoşunlarının “Göytəpə” sərhəd dəstəsinin xidməti ərazisində 2 nəfər naməlum şəxsin İran­dan Azərbaycan istiqamətində dövlət sərhədini pozması müşahidə edilib. 

Sərhədçilərin qanuni tələblərinə məhəl qoymayan sərhəd pozucuları sər­həd naryadına qarşı silahlı müqavimət göstərərək havanın qaranlıq və relye­fin mürəkkəb olmasından istifadə edib geri qaçıblar. Sərhəd naryadı tərəfin­dən “Dövlət sərhədi haqqında” Qanunun tələblərinə uyğun olaraq silah tətbiq edil­məsi nəticəsində sərhəd pozucularından birinin güllə yarası aldığı müəyyənləşib. Silahlı insident nəticəsində sərhəd narya­dının iki üzvü yüngül xəsarət alıb. Onlara zəruri tibbi yardım göstərilib.

Əraziyə baxış zamanı ümumi çəkisi 10 kiloqram 882 qram narkotik vasitə, sərhəd pozucularına məxsus gecəgörmə cihazı, 12 millimetr kalibrli tüfəng, giliz və patronlar aşkar olunub.

Hadisə yerində Azərbaycan və İran sərhəd nümayəndələrinin görüşü keçiri­lib.

XQ