Bakı Ali Neft Məktəbinin (BANM) informasiya təhlükəsizliyi ixtisasının V kurs tələbəsi Eşqin Həsənov ABŞ-nin Mərkəzi Florida Universitetinin doktoranturasına qəbul olub.
Bu barədə ötən ay “Azərbaycan Universitetləri” səhifəsi sosial şəbəkədə paylaşım edib. Bildirilib ki, o, universitetin xüsusi nailiyyəti olan tələbələr üçün nəzərdə tutulan “ORCGS doctoral fellowship” proqramına seçilib və ildə 100 min dollar təqaüd qazanacaq.
Qeyd edək ki, E.Həsənov 2019-cu ildə universitetə 675 balla daxil olub, Prezident təqaüdünə layiq görülüb. Təhsil aldığı müddətdə akademik göstəriciləri yüksək olub, həmçinin müxtəlif elmi məqalələr hazırlayıb.
BANM tələbəsi Azərbaycanda ilk dəfə ən son texnoloji yeniliklərdən sayılan “GraalVM” köməyi ilə “Java” proqramlaşdırma dilinin daxilində “Python” proqramlaşdırma dili kodunu istifadə edib. Bu tətbiq dünya miqyasında da, sadəcə, bir neçə layihədə mövcuddur.
.jpg)
