Yeni kvant kompüteri əvvəlki rekordu 100 dəfə üstələyən performansı ilə diqqət çəkib. Belə ki, “Quantinuum” firmasının kompüter mühəndisləri və alimləri yeni 56 kubitlik H2-1 kompüterindən istifadə edərək cihazı müxtəlif səviyyələrdə və fərqli qubitlərlə çalışdırıblar. 

Təcrübədə kvant kompüterlərini nə qədər səhvə meyilli olmasını və ya nə­ticələrin nə dərəcədə qeyri-müəyyən olmasını göstərən standart alqoritmlə sınaqdan keçiriblər. Nəticədə, kvant kompüterlərinin qubitlər sayəsində daha çox əməliyyat yerinə yetirməklə yanaşı, paralel emal həyata keçirə bilməsi mə­lum olub. 

Məlumat üçün qeyd edək ki, kvant kompüterlərinin adi kompüterləri üstələ­diyi nöqtə “kvant üstünlüyü” adlanır. Bu hesablama qabiliyyətinə nail olmaq üçün 1 milyon kubitlik bir maşın tələb olunur. Bu gün ən güclü maşın, təxminən, 1000 kubit hesablama gücünə malikdir. Bu­nun səbəbi onların səhvə meyilli olma­sı və emal gücünün çoxunun səhvlərin düzəldilməsi üçün istifadə edilməsidir.