İyunun 28-də xarici işlər naziri Ceyhun Bayramov ilə İsrail Dövlə­tinin xarici işlər naziri İsrael Katz arasında telefon danışığı olub. 

Tərəflər iki ölkə arasında əmək­daşlıq əlaqələrinin cari vəziyyəti və perspektivlərini, beynəlxalq və regional məsələləri, Qəzza ətra­fında yaranmış vəziyyəti müzakirə ediblər.

Ceyhun Bayramov Qəzzada qısa müddət ərzində atəşkəsin əldə olunması, hər iki tərəfdən mül­ki əhalinin hədəf alınmaması, İsra­il-Fələstin münaqişəsinin sülh yolu ilə həllinin vacibliyini vurğulayıb. 

Telefon danışığı zamanı Azər­baycanın Asiyada Qarşılıqlı Fəa­liyyət və Etimad Tədbirləri üzrə Müşavirə (AQEM) çərçivəsində 2024-2026-cı illəri əhatə edən səd­rliyi çərçivəsində görülməsi zəruri işlər və planlar nəzərdən keçirilib.

Ceyhun Bayramov həmkarına postmünaqişə dövründə bölgədəki mövcud vəziyyət və reallıqlar, işğal­dan azad olunmuş ərazilərdə aparı­lan genişmiqyaslı bərpa və qurucu­luq işləri, mina təhdidi ilə mübarizə məsələləri, habelə Azərbaycan–Er­mənistan sülh prosesi barədə ətraflı məlumat verib.

Ölkəmizin BMT-nin İqlim Də­yişikliyi üzrə Çərçivə Konvensiya­sının Tərəflər Konfransının 29-cu sessiyasına (COP29) sədrliyi çər­çivəsində iki ölkə arasında əmək­daşlıq üçün əlavə imkanın yarandı­ğı vurğulanıb.

XQ