Ümummilli lider Heydər Əliyevin anadan olmasının 101-ci ildönümü münasibətilə Ankara Universitetində Azərbaycanın Türkiyədəki Səfirliyi və Ankara Universitetinin birgə təşkilatçılığı ilə “Heydər Əliyev və Türk dünyası” adlı anım proqramı təşkil olunub. 

Toplantının əvvəlində Azərbaycan və Türkiyənin Dövlət himnləri səslənib, Ümummilli liderin mənalı həyat yolunu əks etdirən qısa film nümayiş etdirilib.

Ankara Universitetinin rektoru Necdət Ünüvar, Azərbaycanın Türkiyədəki səfiri Rəşad Məmmədov, Türkiyə–Azərbay­can Parlamentlərarası Dostluq Qrupu­nun rəhbəri Şamil Ayrım və Milli Məclisin Azərbaycan–Türkiyə parlamentlərarası işçi qrupunun rəhbəri Əhliman Əmiras­lanov proqramda çıxış edərək ulu öndər Heydər Əliyevin xalqımız və Türk dünyası qarşısında xidmətləri barədə ətraflı söh­bət açıblar. 

Ümummilli lideri Gülhanə Hərbi Tibb Akademiyasında müalicə etmiş professor Hayati Bilgiç Heydər Əliyevi şəxsən tanı­maqdan, onun sağlamlığının bərpasında fəal iştirak etməkdən duyduğu qüruru ifa­də edib.

Paneldə Ankara Universiteti təhsil elmləri fakültəsinin professor Yıldız Dəvə­ci Bozkuş və Ankara Hacı Bayram Vəli Universitetinin iqtisadi və inzibati elmlər fakültəsinin dosenti Erman Akıllı təq­dimatla çıxış edərək Ümummilli liderin Azərbaycanın dövlət quruculuğunda və türk xalqlarının birliyinin və həmrəyliyinin möhkəmlənməsində misilsiz rolundan da­nışıblar.

Anım mərasimi Ümummilli liderin xa­tirəsinə həsr olunmuş bədii proqramla başa çatıb.

XQ