Qazaxıstanın Aktube, Kustanay, Akmola, Qərbi Qazaxıstan, Karakanda, Atırau, Şimali Qazaxıstan və Ulıtay vilayətlərində fövqəladə hallar rejimi davam edir. İndiyədək təbii fəlakət nəticəsində ölkənin regionlarından təhlükəsiz ərazilərə 111 194 adam köçürülüb, bunun 39 222 nəfəri uşaqdır. 

Təbii fəlakət zonalarında 5 411 ev, 2035 bağ sahəsi hələ də su altındadır. Qəza-xilasetmə işlərinə 33 min adam, 4 min texnika, 17 helikopter cəlb olu­nub. 

Bununla bağlı Qazaxıstanın Fövqə­ladə Hallar Nazirliyinin mətbuat xidməti məlumat yayıb. 

Məlumatda qeyd edilir ki, təbii fə­lakət zonalarının 82 yaşayış məntəqə­sində nəqliyyatın hərəkətini bərpa et­mək hələ ki mümkün deyil. 

İnsanlara fasiləsiz olaraq humanitar yardım verilir, onlar lazimi avadanlıqlar­la təmin edilir.

Sinoptiklər aprelin 16-dan 18-dək ölkənin əksər vilayətlərində güclü ya­ğış və qar yağması ilə bağlı xəbərdarlıq edib. 

Qulu KƏNGƏRLİ,

XQ-nin xüsusi müxbiri

Astana