Aprelin 4-də xarici işlər naziri Ceyhun Bayramov Türkiyə Böyük Millət Məclisinin NATO Parlament Assambleyasındakı nümayəndə heyətinin rəhbəri Mövlud Çavuşoğlu ilə görüşüb.

Ceyhun Bayramov hansı vəzifədə çalışma­sından asılı olmayaraq, Azərbaycan ilə Türkiyə arasında mövcud möh­kəm qardaşlıq və dostluq münasibətlərinə verdiyi töhfələrə görə M. Ça­vuşoğluna təşəkkür edib.

Postmünaqişə döv­ründə bölgədə mövcud vəziyyət, Azərbaycan ilə Ermənistan ara­sında sülh prosesi, aparılan danışıqlar və mövcud çağırışlardan bəhs edən nazir Ceyhun Bayramov bölgəmizdən uzaqda yerləşən bir sıra dövlətlərin regional sülh və inteqrasiya səylərinə, habelə kövrək normallaşma prosesinə təhdid törədən birtərəfli mövqe nümayiş etdirməsinin na­rahatlıq doğurduğunu diqqətə çatdırıb.

M.Çavuşoğlu bundan əvvəl Türkiyə­nin xarici işlər naziri qismində fəaliyyəti dövründə olduğu kimi, hazırkı vəzifəsinin icrası zamanı da iki ölkə arasında möv­cud əməkdaşlığın inkişafı istiqamətində səylərini əsirgəməyəcəyini diqqətə çat­dırıb.

Regional sülh və təhlükəsizliyin bərqərar olunmasına törədilən təhdidlərlə bağlı Azərbaycanın haqlı mövqeyinin və narahatlıqlarının öz növbəsində Türkiyə tərəfindən də daim dəstəkləndiyi vurğu­lanıb.

XQ