Türkiyənin Almaniyada yerləşən baş konsulluğu PKK tərəfdarlarının hücumuna məruz qalıb. Türkiyə XİN bununla bağlı bəyanat yayıb. Bəyanatda deyilir ki, martın 26-sı gecə saatlarında Türkiyənin Hannoverdəki baş konsulluğunun giriş qapısına PKK təşkilatının tərəfdarları hücum ediblər.
Hücumdan sonra Almaniya rəsmiləri ilə əlaqə saxlanılaraq, alman hakimiyyətinin Türkiyə vətəndaşlarının və diplomatik nümayəndəliklərinin təhlükəsizliyinə cavabdeh olduğu xatırladılıb.
***
Dünən Almaniyanın Türkiyədəki səfiri Yurgen Şults törədilən təxribatla əlaqədar Türkiyə Xarici İşlər Nazirliyinə çağırılıb.
Türkiyə tərəfinin kəskin mənfi mövqeyi həm Almaniyanın rəsmi strukturlarının, həm də bu ölkənin Türkiyədəki diplomatik missiyasının rəhbərinin diqqətinə çatdırılıb.
Türkiyə tərəfi təxribatda iştirak edənlərin hamısının məsuliyyətə cəlb olunmasını tələb edib.
XQ