Mingəçevir Şəhər İcra Hakimiyyətinin təşkilatçılığı ilə “Yaşıl dünya naminə həmrəyliyə gedən yol” mövzusunda dəyirmi masa keçirilib.
“Əvvəlcə “Yaşıl Dünya Naminə Həmrəylik ili”nə həsr olunmuş videoçarx nümayiş olunub. Sonra şəhər icra hakimiyyətinin başçısı İlham İsmayılov giriş nitqi ilə çıxış edib. O bildirib ki, Prezident İlham Əliyev ötən il dekabrın 25-də 2024-cü ilin “Yaşıl Dünya Naminə Həmrəylik ili” elan olunması ilə əlaqədar sərəncam imzalayıb. Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində işlər aparılır.
Bildirilib ki, noyabr ayında ölkəmizdə keçiriləcək COP29 beynəlxalq konfransında Azərbaycan iqlim dəyişikliyinə verdiyi töhfələrini əyani şəkildə dünya ictimaiyyətinə çatdıracaq, bütün bunlar ölkəmizin nüfuzunu dünyada bir daha artıracaq. Mingəçevir yaşıllığı ilə hər zaman seçilir. Şəhər əhalisi ekologiya ilində qarşıda duran vəzifələri layiqincə yerinə yetirəcəklər.
Təbirdə MDU-nun şöbə müdiri, dosent Asim Məmmədov, 8 saylı Regional Ekologiya və Təbiil Sərvətlər İdarəsinin məsləhətçisi Ülkər Paşayeva, Mərkəzi Aran Regional Təhsil İdarəsinin Mingəçevir Təhsil sektorunun Uşaq Gənclər İnkişaf Mərkəzinin direktoru Ədalət Quliyeva müzakirə edilən mövzu ilə bağlı fikir və təkliflərini bildiribər.
Sonra tədbir iştirakçıları Bayraq Meydanı yaxınlığında və Şərq giriş qapısındakı yaşıllıq zolaqlarında müxtəlif növlü tinglər əkiblər.
İlqar HƏSƏNOV,
XQ-nin bölgə müxbiri