Xəzərdə hibrid gəmi üzəcək

Azərbaycan Xəzər Dəniz Gəmiçiliyinin (ASCO) sifarişi əsasında Bakı Gəmiqayırma Zavodunda Xəzər dənizinin ilk hibrid dalğıc gəmisi tikiləcək. Gəmi dənizin 60 metr dərinliyində işləmək imkanına malik olacaq. Bu barədə ASCO-dan məlumat verilib.

Qeyd olunub ki, Azərbaycan Xəzər Dəniz Gəmiçiliyinin ekoloji siyasətinə, eləcə də Beynəlxalq Dənizçilik Təşkilatının və bir sıra digər təsnifat cəmiyyətlərinin emissiyaların azaldılması ilə bağlı tələblərinə uyğun inşa ediləcək dalğıc gəmisi, həm də Prezident İlham Əliyevin elan etdiyi “Yaşıl dünya naminə həmrəylik ili”nə mühüm töhfə verəcək.