Azərbaycan Prezidenti İlham Əliyevin Prezident Rəcəb Tayyib Ərdoğanın dəvəti ilə Türkiyəyə rəsmi səfəri qardaş ölkə mediasında geniş işıqlandırılıb.

Türkiyənin mətbu orqanları tərəfin­dən yayılan informasiyalarda Prezident İlham Əliyevin və Prezident Rəcəb Tay­yib Ərdoğanın mətbuata bəyanatların­da səsləndirdikləri fikirlərə, birinci xanım Mehriban Əliyevanın Türkiyənin birinci xanımı Əminə Ərdoğan ilə görüşünə, eləcə də səfər çərçivəsində imzalanan Azərbaycan-Türkiyə sənədlərinin imza­lanmasına xüsusi diqqət çəkilib.

Anadolu Agentliyi dövlətimizin başçısının Türkiyəyə səfəri ilə bağlı “Azərbaycan Prezidenti Əliyev: Tür­kiyə-Azərbaycan birliyi təkcə bölgə üçün deyil, Avrasiya üçün önəmli amilə çevrilib”, “Prezident Ərdoğan: Qara­bağda işğalın başa çatması ilə böl­gəmizdə daimi sülh üçün tarixi imkan pəncərəsi açıldı” sərlövhələri ilə bir neçə məqalə yayımlayıb.

“TRT” və “İyirmidört” Prezident İlham Əliyevin çıxışını “Türkiyə böl­gəmizdə əmin-amanlığın, sülhün və işbirliyinin qarantıdır” sərlövhəsi ilə yayımlayıb, dövlətimizin başçısından sitatlar verilib. Yazılar “Türk dünyasının birləşməsi TDT-nin gücünə güc qata­caq ", “Separatçı qüvvələrə Azərbay­can ərazisində yer yoxdur”, “Təhsildə əməkdaşlıq vurğusu” kimi altbaşlıqlarla yayımlanıb.

Məlumatlarda Azərbaycan Prezi­dentinin “Biz əcdadlarımızdan qalan bütün ənənələrə sadiqik. 

“NTV” media şirkəti tərəfindən hazırlanana məqalədə isə deyilir: “Azərbaycan Prezidenti İlham Əliyev ölkəsində keçirilən seçkilərdə qalib gəl­dikdən sonra ilk rəsmi səfərini Ankara­ya edib. Iki ölkə arasında üç müqavilə imzalanıb. 

İstanbul ticarət qəzeti “Tür­kiyə-Azərbaycan birliyi təkcə bölgə üçün deyil, Avrasiya üçün önəmli amilə çevrilib” başlıqlı məqaləsində Prezi­dent İlham Əliyevin Türkiyənin region­da sülhün, sabitliyin və əməkdaşlığın təminatçısı olduğunu vurğuladığı, Tür­kiyənin İkinci Qarabağ müharibəsi za­manı hər zaman Azərbaycanın yanın­da olduğunu xatırlatdığı qeyd olunub.

“Ensonhaber.com” saytı isə dövlə­timizin başçısının Ankaraya səfərinə dair yazısını Azərbaycan Prezidentinin söylədiyi kimi, “Türkiyə bu gün dünya çapında söz sahibidir” sərlövhəsi ilə yayımlayıb.

XQ