Azərbaycan Respublikasının Prezidenti İlham Əliyevə
Möhtərəm cənab Prezident!
“Kapital Bank”ın kollektivi Sizi yenidən Azərbaycan Respublikasının prezidenti seçilməyiniz münasibəti ilə ürəkdən təbrik edir, ən xoş arzularını çatdırır. Seçkilərdə qazandığınız parlaq qələbə ölkəmizdə aparılan siyasi, iqtisadi inkişafın məntiqi nəticəsi və Azərbaycan xalqının azad iradəsinin göstəricisidir.
Sizin liderliyinizlə ölkəmiz böyük inkişaf yolu keçmiş, xalqımızın ən böyük arzusu – Vətənimizin bütövlüyü təmin olunmuşdur. Biz əminik ki, Sizin qələbəniz dövlətimizin inkişafına və xalqımızın rifahına yeni bir mərhələ açacaq, Azərbaycanın hərtərəfli inkişafı, ölkəmizin beynəlxalq aləmdə imicinin möhkəmləndirilməsi üçün nəzərdə tutduğunuz bütün proqramlar uğurla həyata keçəcək.
Cənab Prezident, növbəti səlahiyyət müddətinizdə Azərbaycanın sürətli sosial-iqtisadi inkişafı və Vətənimizin qlobal arenada daha da güclənməsi, ölkəmizin parlaq gələcəyi yolunda apardığınız siyasi kursda Sizə uğurlar arzu edir, yorulmaz fəaliyyətinizdə hər zaman yanınızda olduğumuzu bildirmək istəyirik.
Hörmətlə, Fərid HÜSEYNOV,
“Kapital Bank”ın İdarə Heyətinin Sədri, Baş icraçı direktor