“Mənim səsim” Seçki Monitorinq Koalisiyası hazırkı mərhələdə özünün qeydiyyata alınmış müşahidəçilərinin məntəqə və dairələr üzrə yerləşdirilməsi üzərində çalışır. Koalisiyamızın 500 müşahidəçisi artıq qeydiyyatdan keçib”.
Bu sözləri “Mənim səsim” Seçki Monitorinq Koalisiyasının həmtəsisçilərindən olan “Beynəlxalq İnsan Hüquqları Cəmiyyəti Azərbaycan Milli Bölməsi” İctimai Birliyinin sədri Səadət Bənənyarlı deyib.
QHT sədri deyib ki, koalisiya prezidentliyə namizədlərlə görüşlərini davam etdirir və seçki mühiti ilə bağlı müzakirələr aparılır. Namizədlər seçki mühitindən hər hansı bir narazılıq ifadə etməyiblər.
Müşahidəçilərin yaddaş kitabçaları ilə təmin edilməsi istiqamətində də iş aparıldığı diqqətə çatdırılıb. Bu işlər yekunlaşdıqdan sonra isə müşahidəçilərlə təlimlərə start veriləcək. Müşahidəçilərin əksəriyyəti peşəkar şəxslərdirlər. Bununla belə, Seçki Monitorinq Koalisiyası tərəfindən təlimlər təşkil edilir. Bölgələr üzrə keçiriləcək təlimlərdə müşahidəçilərlə müzakirələr aparılacaq.
Qarşıdakı mərhələdə beynəlxalq müşahidə missiyaları ilə görüşlər də davam etdiriləcək.
Əliqismət BƏDƏLOV
XQ