Yanvarın 12-də Mərkəzi Seçki Komissiyası və Medianın İnkişafı Agentliyinin birgə təşkilatçılığı ilə “Prezident seçkilərində medianın rol və vəzifələri” mövzusunda praktiki seminar keçirilib.

Tədbirdə əsas məqsəd media nü­mayəndələrinin növbədənkənar prezi­dent seçkilərində məlumatlılığının artı­rılması və fəaliyyətlərinin səmərəliliyinin daha da yüksəldilməsi olub. Seminarda MSK və MEDİA rəsmiləri ilə yanaşı, 20 media subyektinin nümayəndələri də iştirak edib.

Medianın İnkişafı Agentliyinin şöbə müdiri Natiq Məmmədli seçki prosesi ilə bağlı məlumatların ictimaiyyətə düz­gün və effektiv çatdırılmasının vacibli­yini vurğulayıb və bu məsuliyyətli işdə media subyektlərinin üzərinə böyük vəzifə düşdüyünü deyib. O, media nü­mayəndələri ilə məlumat mübadiləsinin aparılması və peşəkar media fəaliyyəti­nin təşkili ilə əlaqədar seminarın jurna­listlər üçün faydalı olacağını qeyd edib.

Mərkəzi Seçki Komissiyasının üzvü İlkin Şahbazov Azərbaycan Respub­likasının Konstitusiyasında əsas in­san hüquq və azadlıqlarından biri kimi təsbit olunan seçki hüququnun nəzəri aspektləri, mənsubiyyəti və realizə im­kanlarından danışıb. O, Seçki Məcəl­ləsinin seçkilərin hazırlanıb keçirilmə­si prosesində və vətəndaşların seçki hüquqlarının daha səmərəli təmin olun­masında müxtəlif statuslu seçki sub­yektlərinə münasibətdə rol və vəzifələr müəyyən etdiyini diqqətə çatdırıb. Me­dia subyektləri də istər seçki prose­sində aşkarlığın və şəffaflığın təşəkkül tapmasında, istərsə də seçkiqabağı təşviqat mərhələsində və səsvermə günü öz peşə fəaliyyətlərini yerinə ye­tirərkən seçki qanunvericiliyinin tələblə­rinə dəqiqliklə riayət etməlidirlər. MSK nəzdində fəaliyyət göstərən və əsasən, jurnalistlərdən ibarət olan Mətbuat qru­pu mediada seçkiqabağı təşviqat üçün Seçki Məcəlləsi ilə müəyyən edilmiş qaydalara riayət olunmasına nəzarəti həyata keçirir.

MSK Katibliyinin Media və Kommu­nikasiya şöbəsinin müdiri Şahin Əsədli seçkilərin mediada işıqlandırılması, ən mühüm mərhələlərdən biri olan seç­kiqabağı təşviqatla bağlı qanunveri­cilikdə nəzərdə tutulmuş prosessual müddətlər, seçkiqabağı təşviqatı apar­maq hüququna malik olan subyektlər, habelə səsvermə günü prosedurlar barədə danışıb. Bildirib ki, prezident seçkilərində qeydə alınmış namizəd­lər, onların səlahiyyətli nümayəndələri və vəkil edilmiş şəxsləri, eləcə də na­mizədi qeydə alınmış siyasi partiyala­rın səlahiyyətli nümayəndələri və və­kil edilmiş şəxsləri qanunla qadağan edilməyən forma və üsullarını müstəqil müəyyənləşdirməklə, azad və sərbəst şəkildə seçkiqabağı təşviqat aparmaq hüququna malikdirlər. 

Ş.Əsədli tədbirdə, həmçinin seç­ki günü prosedurları ilə bağlı praktiki məşğələ formatında ətraflı məlumat ve­rib. O, seçki məntəqəsinin açılışı, səs­vermə hərəkətləri, seçki günü müstəs­na hallar və digər bu kimi prosedurların həyata keçirilməsi və tənzimlənməsinin qanunvericilik əsaslarını iştirakçıların diqqətinə çatdırıb

Seminarın sonunda jurnalistləri ma­raqlandıran məsələlərə aydınlıq gətiri­lib.

XQ