Beynəlxalq Muğam Mərkəzində sabah Kərkük musiqi axşamı keçiriləcək. Konsertdə kərkük xalq musiqi nümunələri, eyni zamanda, müxtəlif üslublarda işlənilmiş xalq və bəstəkar mahnıları səslənəcək.
Gecədə Beynəlxalq Muğam Mərkəzinin ansamblının müşayiəti altında tanınmış muğam ustaları iştirak edəcəklər. Qeyd edək ki, əsrlər boyu İraq türkmənləri ilə Azərbaycan arasında səmimi bağlar olmuşdur. Bu bağlar özünü musiqidə də göstərmişdir. Təsadüfi deyil ki, ölkəmizdə “Ninnə yarım”, “Gözələ bax, gözələ” və s. kimi mahnılar dillər əzbəridir.
Kərkük musiqisi axşamı Azərbaycan Respublikası Mədəniyyət Nazirliyinin təşkilatçılığı ilə keçirilir.
XQ