Milli Məclisin deputatları – Meksika ilə parlamentlərarası əlaqələr üzrə işçi qrupunun rəhbəri Jalə Əliyeva və qrupun üzvü Elşad Mirbəşiroğlu bu ölkədə işgüzar səfərdədirlər.

Səfərin ilk günündə parlamentin nü­mayəndə heyəti Mexiko şəhərində yer­ləşən Xocalı soyqırımı abidəsini ziyarət ediblər. Onlar Meksika Konqresinin in­zibati binası və “Qanunvericilik Muzeyi” ilə tanış olub, o cümlədən, Konqresin növbəti plenar iclasında iştirak eidiblər. Konqresin vitse-prezidenti Azərbaycan nümayəndə heyətini səmimi şəkildə sa­lamlayıb və Meksikada onu görməkdən məmnunluq duyduqlarını bildirib.

Deputatlar Palatasının sədri Marse­la Kastiyo və Meksika–Azərbaycan par­lamentlərarası dostluq qrupunun üzvlə­ri ilə ikitərəfli görüşlər keçirilib. Qrupun sədri A.Viyeqas çıxış edərək, Meksi­kanın dost ölkə və mühüm tərəfdaş kimi qəbul etdiyi Azərbaycanla müxtəlif sahələrdə əməkdaşlıq əlaqələrini daha da inkişaf etdirməkdə maraqlı olduğu­nu diqqətə çatdırıb. Azərbaycan-Mek­sika parlamentlərarası əlaqələr üzrə işçi qrupunun rəhbəri J.Əliyeva səfərə dəvətə görə təşəkkürünü bildirib, iki ölkə arasında münasibətlərin inkişafın­da parlamentlərarası dostluq qrupları­nın, o cümlədən, parlament diplomati­yasının önəmli yer tutduğunu deyib. 

Ölkəmizin Meksikadakı səfiri Məm­məd Talıbov isə səmərəli parlament diplomatiyasının ikitərəfli münasibətlə­rin inkişafına əlavə təkan verdiyini vur­ğulayıb.

XQ